Santiago, 12 de maio de 2013.- A Consellería de Cultura, Educación e Ordenación Universitaria, impulsa xunto á Federación de Libreiros de Galicia a XXXI Feira do Libro de Lugo, a que será a terceira cita do renovado calendario de 2013 e que estará instalada desde o vindeiro día 14 ata o 19 de maio na Praza Maior lucense.
Entre o próximo martes e o domingo 19, a cidade de Lugo acollerá numerosas iniciativas no marco do programa da súa XXXI Feira do Libro. A través da habitual actividade nas casetas dos distintos libreiros lucenses e mais un total de 26 actos, a Consellería de Cultura e Educación e a Federación de Libreiros de Galicia promoven a difusión da actividade do sector editorial, incentivan o consumo cultural e fomentan a lectura entre toda a cidadanía.
Dentro da programación da Feira destacan as actividades dedicadas a Roberto Vidal Bolaño, co gallo do Día das Letras Galegas 2013 que se celebrará o vindeiro venres 17 de maio. Deste xeito a efeméride literaria coincidirá coa Feira do Libro de Lugo e será conmemorada coa representación de ‘Vida e obra de Roberto Vidal Bolaño’, unha charla que Urdime Teatro escenificará a través da actriz Laura Ponte e o fillo do autor, Roi Vidal Ponte. Ademais o propio 17 de maio terá lugar a ‘Festa poética Xistral’, un recitado de poemas e lecturas de Vidal Bolaño a cargo de poetas colaboradores da revista Xistral e outros poetas lugueses; e Ana Carreira representará Touporroutou, espectáculo baseado na obra de teatro infantil de Roberto Vidal Bolaño.
Feiras do Libro de Galicia
Tras a posta en marcha do novo calendario de Feiras do Libro 2013 coa Feira do Libro de Ferrol, e a súa continuidade na cidade de Compostela, a Federación de Libreiros de Galicia e a Consellería de Cultura, Educación e Ordenación Universitaria, levan unha nova celebración á cidade de Lugo. Tras a súa estadía na cidade amurallada, as Feiras do Libro chegarán a Ourense (4 – 9 de xuño), Vigo (28 de xuño – 7 de xullo), A Coruña (1 – 11 de agosto) e Viveiro (13 – 16 de agosto). As novas citas que este ano apoia a Xunta de Galicia serán as de Pontevedra (21 – 26 de maio), Rianxo (25 – 27 de xullo), Foz (17 – 20 de agosto) e Monforte (22 – 25 de agosto).
A colaboración entre Consellería e Federación de Libreiros renóvase este ano co obxectivo de darlle un novo pulo a estes eventos como focos dunha variada oferta cultural para as familias e como unha oportunidade de difusión da actividade do sector editorial. Así, paralela á actividade das casetas, as Feiras do Libro 2013 contarán cun completo programa de actividades culturais, artísticas e de animación de rúa, entre outras, para a dinamización efectiva destes eventos. Co seu apoio ás feiras, o obxectivo da Consellería de Cultura e Educación é impulsar o desenvolvemento e difusión da cultura galega, co seu apoio, xunto co editorial, a outros sectores da cultura galega, a través da aposta polos artistas de base e polas compañías galegas.
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
