O BNG volve demandar ao presidente Feijóo que cumpra a súa promesa de aprobar plans de revitalización económica e social para a comarca.
Que máis da metade dos parados da Mariña sexan mulleres e menores de 25 anos é o resultado da xestión do Partido Popular que quere condenar ás mulleres ao ámbito do privado e aos mozos á emigración.
A Mariña, 14 de maio de 2013. Mobilizar aos mariñáns fronte ás políticas de austeridade e recorte de dereitos do Partido Popular é o principal obxectivo da campaña ‘Non é unha crise, é un roubo’, iniciada polo Bloque Nacionalista Galego esta mañá, no Mercado de Foz, onde unha delegación encabezada por Ana Ermida, responsábel da formación, repartiu material informativo e escoitou os problemas que están a padecer milleiros de mariñáns pola falta de emprego.
Segundo Ermida “o desemprego é o principal problema da comarca nestes intres xa que as cifras do paro continúan a ser históricas a pesar da leve redución dos dous últimos meses que non deixa de ser un espellismo porque máis de 5.910 mariñáns seguen a estar nas listas oficiais de desempregados. Cada parado é unha consecuencia das políticas de austeridade e control do déficit impostas polo Partido Popular tanto desde a Xunta de Galiza como desde o Goberno do Estado”.
“O paro –continuou a responsábel do Bloque- non se soluciona con máis recortes, nin copagos, nin eliminación de dereitos, nin salvando a unha banca sen ética, senón con investimentos e ofrecendo liquidez ás empresas para que estas poidan crear novos postos de traballo”.
Ermida criticou o pasotismo da Xunta de Galiza coa comarca nestes cinco “tráxicos” anos nos que o paro non diminúe como debera e se continúan fechando empresas emblemáticas que daban emprego a centos de traballadores como Cemar, Móbeis Ermida, Mon, Ecar, ou outras que reduciron drasticamente a súa plantilla como Sargadelos. “A nosa comarca –insistiu Ermida- é xa a capital do paro e da destrución do tecido produtivo; é o mellor exemplo dunha política catastrófica que constitúe un auténtico saqueo ao pobo. A Xunta mira cara outro lado mentres se desmantela unha comarca que ten todas as condicións para ser punteira en moitos eidos e á que o Partido Popular emprega ao seu antollo durante as campañas electorais prometendo actuacións e servizos que nunca chegan. Desde o BNG seguiremos pedido ao presidente Núñez Feijóo que cumpra á súa palabra e aprobe as medidas compensatorias que comprometeu hai 5 anos para a revitalización económica e social da Mariña”.
Os nacionalistas piden aos mariñáns que se mobilicen e amosen o seu rexeitamento á política actual que está conducindo á pobreza e á exclusión social a moitas familias e principalmente ás mulleres e xoves, en canto o 52 por cento dos parados da comarca son mulleres e o 12 por cento son menores de 25 anos. Para Ermida “estes datos non son casuais, son o éxito de medidas que pretenden volver a situar ás mulleres no ámbito privado e condenar a Galiza a emigración dos máis novos”.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
