O PP, incluído o Deputado pola Mariña Jaime de Olano, votou en contra de derrogar o decreto que impón a quita para as aforradoras e aforradores estafados polas preferentes, consolidando así o roubo a miles de persoas da nosa comarca.
A Mariña, 29 de maio de 2013. Desde o BNG da Mariña denuncian a hipocrisía do PPdG e a traición á que as deputadas e deputados do Partido Popular están sometendo a todas as persoas afectadas polas preferentes e subordinadas.
No día de onte, debatéronse dúas proposicións do BNG que pedían a derrogación do decreto aprobado polo goberno do Estado no que se impón a quita para as persoas afectadas polas preferentes (unha no Parlamento galego e outra no Congreso dos Deputados) nas que o Partido Popular votou de diferente xeito en Galiza e en Madrid. Mentres no debate que se produciu na cámara galega, as e os representantes do PP víronse forzados a apoiar esta cuestión, en Madrid sentíronse libres para actuar e votaron en contra da proposta. Para a Responsábel Comarcal do BNG na Mariña, Ana Ermida, “a diferente postura adoptada polo PP resposta á presión cidadá á que están sometidos: mentres na Galiza non lles queda máis remedio que apoiar que se lles devolva a estas persoas o 100% dos seus aforros, en Madrid, libres da presión social que existe no noso país, votan libremente a favor da banca e en contra das galegas e dos galegos.”
Neste sentido, desde o BNG da Mariña mostran -como xa fixeron en diversos actos en Ribadeo, A Pontenova ou en Viveiro, a onde acudiu o Portavoz Nacional da Fronte, Xavier Vence- “o seu apoio a todas as persoas afectadas por estes produtos e anímanas a que se organicen e se mobilicen para reclamar o que é de xustiza: a devolución íntegra dos seus aforros, despois de que foran primeiro estafadas pola banca e despois roubadas polo goberno.” Ermida insistiu na mensaxe que veñen lanzando en todas as súas aparicións públicas e actos sobre esta fraude: “o Partido Popular está cometendo un roubo ás persoas que primeiro foron estafadas pola banca e ese roubo fano para favorecer á banca. O PP prefire defender á banca e ao grande capital que defender ás súas veciñas e veciños. Este roubo ten culpables e, quen apoia a quita, apoia o roubo.”
A portavoz nacionalista referiuse concretamente ao Deputado pola mariña, Jaime de Olano, ao que lle pediu “dignidade e que acuda a Madrid non só a xustificar o salario, senón que o faga para defender ás súas veciñas e veciños. En toda a Mariña hai miles de persoas afectadas ás que o Partido Popular está deixando sen os seus aforros e ás que Jaime de Olano está roubando cando aproba a quita para o seu diñeiro.”
A Xornada Europea contra a Troika, unha oportunidade.
Desde o BNG animan a toda a cidadanía a participar na Xornada Europea contra o roubo da Troika, da banca e do Partido Popular no acto que se celebrará o vindeiro sábado, 1 de xuño ás 12:30 na Praza de Abaixo de Ribadeo. Nesta ocasión, fan un chamamento especial para que as persoas afectadas polas preferentes acudan a manifestarse, creando así unha presión social tamén na Mariña que poida forzar un cambio de actitude no PP. Está claro, afirmou Ermida, “que o Partido Popular móvese pola lei da acción-reacción e só cando existe un movemento social importante e cando se senten presionados, cambian as súas posturas como aconteceu no Parlamento de Galiza”. Por iso, “temos que mobilizarnos, que crear unha grande resposta da maioría social que faga mudar as políticas continuas de roubo á que estamos sometidas cada día”, conclúen os nacionalistas.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
