Foz, 22 de maio de 2013.- O BNG de Foz, a través do seu portavoz municipal Xan Carlos González Basanta, rexistrou unha moción para aprobar polo pleno en apoio ao conveciño Diego Martínez Santos, o físico nado en Foz que foi excluído do Programa Ramón y Cajal a pesar de estar premiado recentemente pola Sociedade Europea de Física coma o mellor investigador mozo de toda Europa.
O BNG xa se interesou por este caso o pasado 16 de maio cando rexistrou unha batería de preguntas no Congreso dos Deputados para saber por que motivo o Goberno Español recortou tanto as prazas do Programa Ramón y Cajal e demandarlle que rectifique esta política de recortes e aumente ditas prazas, así como as bolsas e os programas destinados a investigación, desenvolvemento e innovación (I+D+I) porque isto significaría que se aposta polo futuro.
Basanta é contundente neste aspecto: “un país que non apoia a innovación tecnolóxica e científica está condenado ao atraso económico, social e cultural. O avance científico, ao longo da historia, representou e representa o progreso dos pobos”.
Os mozos e mozas galegos á emigrar e o goberno sen facer nada
Desde o BNG estamos moi preocupados porque son moitos e moitas os mozos e mozas investigadores e científicos de grande valía, algúns deles galegos e galegas, que se ven obrigados a emigrar ata o punto de que o Estado español se está a converter nun claro exemplo de fuga de talentos. Cada vez son máis os que se van a outros países avanzados -e non tan avanzados- onde atopan as oportunidades que aquí se lles negan.
Desde o punto de vista do BNG, estes feitos supoñen a ruína para unha sociedade que despois de facer un grande esforzo inversor na formación de persoas con talento, estes sexan captados por outros países como Alemaña, Franza, EE.UU, Suíza ou Holanda que son os países que realmente avanzan co coñecemento que aportan e rendabilizan económica e socialmente o seu labor científico.
Por todos estes, motivos son dous os puntos de acordo que solicitan na moción á Corporación Municipal: o primeiro, manifestar o apoio ao xove científico e en segundo lugar, solicitarlle ao Goberno que rectifique as súas políticas de recortes e amplíe as becas Ramón y Cajal para que Diego Martínez poida volver de Xenebra e traballar no noso país. Basanta espera a unanimidade no acordo e opina que “desde o BNG e desde o Concello é o mínimo que podemos facer, manifestarlle ao rapaz e á familia todo o noso apoio e pedir unha rectificación do Goberno para que poida retornar e desenvolver o seu extraordinario traballo no noso país. Ademais porque é o que el quere”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
