Lourenzá, 25 de maio de 2013. O Concello promove a creación dunha cooperativa para comercializar a faba de Lourenzá. Por iso do 28 ao 31 deste mes haberá unha exposición da Xunta sobre o funcionamento das cooperativas instalada na lonxa do mercado gandeiro.
A alcaldesa de Lourenzá, Emma Álvarez Charo, explicou que “tanto no concello de Lourenzá como no resto da Mariña, que é o ámbito que recolle a Indicación Xeográfica Protexida (IXP) Faba de Lourenzá, cada vez son máis os produtores que se especializan en sacar ao mercado un produto de boa calidade e que corresponda co recoñecemento que a Unión Europea lle ten outorgado xa dende o ano 2009. Non obstante é de sobra manifesta a necesidade de mellorar na comercialización conxunta deste produto. Por ese motivo dende o Concello en diversas ocasións se fixeron xornadas de promoción e fomento do cooperativismo, coincidindo precisamente a última delas no ano 2009. Para esta xornada elaborouse un estudo de viabilidade que se expuxo aos asistentes e mesmo incluso o ano anterior fíxose unha similitude entre a IXP Faba de Lourenzá e IXP Ternera Gallega, centrándose no plano da comercialización e poñendo como exemplo a cooperativa de segundo grado Artesáns Gandeiros, que comercializa a maior parte do gando vacún de Galicia a través da IXP”.
Emma Álvarez engadiu que “moitos veciños da Mariña están comercializando o seu gando coa cooperativa de segundo grao a través de Os Irmandiños. Polo tanto é un sistema que podía ser moi válido tamén para o caso da faba. Inclusive o ano pasado o pregoeiro da Festa da Faba avogou pola unión dos produtores para comercializar de xeito conxunto o seu produto”.
“Sabemos que temos un bo produto, que sabemos producir, pero falla a comercialización. Por ese motivo sempre dende o Concello estamos intentado fomentar a creación dunha cooperativa para que os produtores de faba dalgún xeito se unan”, comentou a rexedora municipal, quen lembrou que “mesmo temos exemplos no concello de cooperativas que existiron fai anos. como por exemplo a Sociedade Cooperativa de socorros mutuos San Rosendo, na parroquia de San Xurxo, que estivo en activo ata fai pouco máis de dúas décadas. Era unha cooperativa que naceu co espírito de indemnizar aos seus socios pola morte ou aborto do gando vacún que posuían en función do capital asegurado. Cooperativas similares a esta tamén existiron noutras parroquias e mesmo no veciño concello de Barreiros. Se os veciños daquela produtores de leite foron quen de unirse e sumar esforzos para facer rendibles as súas explotacións parece que, décadas despois, co avance que viviu a sociedade, estamos nun momento no que, tendo a necesidade que temos de comercializar conxuntamente, hai que empezar a falar moi en serio dunha cooperativa comercializadora da faba de Lourenzá”.
Por estes motivos ao goberno municipal pareceulle interesante solicitar á Consellería de Traballo unha exposición itinerante, denominada Descobre as cooperativas, que vai estar na lonxa do mercado gandeiro dende o día 28 ata o 31 de maio. O horario para poder visitala será de 12 horas a 15,30 e de 17 a 22 horas. “Puxemos este horario para facelo compatible con aquela xente que está traballando, para que poidan pasarse a vela e que polo menos vaian tendo unha noción máis palpable do que é o cooperativismo. Do mesmo xeito o día 28, cando se inaugurará a exposición, estará con nós a delegada territorial da Xunta en Lugo, Raquel Arias, ás once da mañá. Facémoslle cadrar coa feira que se fai mensualmente aquí no mercado gandeiro”, explicou a alcaldesa.
Emma Álvarez considera que “a fórmula cooperativa é unha opción de futuro para a xente emprendedora e sobre todo nun momento de crise como o actual creo que debemos sumar esforzos e sobre todo se queremos que o produto que temos, cunha calidade recoñecida, consiga o prezo que se merece”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
