Os premios do concurso gastronómico ‘Ribadeo de tapeo’ foron entregados na Casa do Concello

Ribadeo, 31 de maio de 2013. Os premios da oitava edición do concurso gastronómico Ribadeo, de tapeo, que se celebrou do 10 ao 19 deste mes, foron entregados hoxe no transcurso dun acto que se celebrou na Casa do Concello e que contou coa participación do alcalde, Fernando Suárez, e da concelleira de Desenvolvemento Local e Turismo, Ana Martínez.

Os premios aos clientes dos establecementos participantes foron para as seguintes persoas: Begoña Fraga Bellón, que gañou unha estancia nunha casa de turismo rural; Nuria Nonide Amor, que resultou agraciada cun curso de surf por cortesía de Hola Ola; Tania Fernández Faílde, que recibiu un bono de 100 euros da asociación da Praza de Abastos de Ribadeo; Ruben Fernández Fernández, que foi obsequiado cun bono de Hola Ola; Miriam Bouso Gallego e Sandra Piedrahita, que gañaron senllas viaxes en avioneta da asociación Club Aéreo de Ribadeo.

Dentro da iniciativa denominada Soños gastronómicos a premiada foi María Estévez Orge, que gañou unha noite de hotel para dúas persoas por cortesía do hotel Bouza. E no concurso de curtametraxes o premio, que é unha comida no hotel restaurante Voar, correspondeulle a Miguel Ángel Fernández.

Tamén foron entregados os premios ás mellores tapas desta edición do Ribadeo, de tapeo. Os decididos polo xurado corresponderon, por este orden, aos restaurantes La Solana, La Villa e O Tumbín, mentres que o do público foi para o hotel Bouza.