O Valadouro, 2 de xuño de 2013.- O alcalde do Valadouro e cabeza de lista do PP a formación política máis votada nas pasadas eleccións municipais, José Manuel Lamela considera que as continuas saídas de ton do BNG amosan que esta formación política nacionalista se cre por riba dos intereses dos veciños do Valadouro e lamenta o papel xogado polo BNG cómplice necesario do maior atropelo acontecido nunha administración local democrática nos últimos anos.
MOCIÓN DE CONFIANZA A INICIATIVA PROPIA
José Manuel Lamela aclara que presentou a cuestión de confianza por iniciativa propia, movido por unha actuación responsable, e consciente de que O Valadouro e os intereses dos seus veciños non merecían o bloqueo da oposición aos orzamentos e con elo, ao instrumento que dá a posibilidade de xerar novos investimentos e impulsar novos proxectos na localidade. O rexedor quere deixar moi claro que non recibiu consello algún ou presión por parte de ninguén para presentar esta cuestión de confianza, nin de Balseiro, nin de o PP a nivel provincial, que sempre apoiaron cada unha das decisións que adoptou en plena liberdade e responsabilidade. O único que lle fallou foi quen non cumpriu coa palabra dada e en ningún caso estaba no meu partido.
UN BNG SEN ARGUMENTOS E SEN RESPOSTAS
José Manuel Lamela cre que o comportamento máis negativo e pernicioso neste concello está de man do BNG por canto é o cómplice necesario para que prosperen as artimañas do futuro bipartito. Considera tamén que salvo insultos e descualificacións persoais, nas que unha e outra vez incorren, desde o BNG non foron capaces de dar resposta a unha soa pregunta das moitas que veciños e o PP realizaban aos nacionalistas: por que o BNG decidide apoiar a un novo goberno máis débil e máis fragmentado que o anterior, por que permiten que naza un goberno cun programa oculto aos veciños e no que PSOE e Udival desconfían un doutro, e por que apoian incondicionalmente a un goberno que decide poñer prezo á alcaldía e gobernabilidade do Valadouro.
EXPLICACIÓNS A NIVEL GALEGO
Neste mesmo senso, Lamela considera tamén que os nacionalistas a nivel autonómico debería dar explicacións sobre a negativa a apoiar unha moción na que se pide que non se condicione economicamente a gobernabilidade do concello. De feito asegura que o BNG neste cuestión ten un comportamento contraditorio: No documento notarial negáronse a asinar a cláusula dos 100.000 euros pero cando chega a hora de verdade non votan en contra delo, como aconteceu o pasado venres coa moción no concello.
25 ANOS DE GOBERNOS POPULARES ELIXIDOS POLOS VECIÑOS
Lamela lembra tamén que o que os nacionalistas cualifican como 25 anos de desgobernos populares son os representantes políticos que nestes últimos anos foron elixidos directa e democraticamente polos veciños e polo tanto, que cuestionar o que os propios veciños elixen -ademais con amplas maiorías ata o momento- dá mostra dun sectarismo político absolutamente desfasado, pois insisten, no BNG non poden crese por riba do que os veciños deciden ou votan.
PREVÉ UN RELEVO NO BNG
Finalmente Lamela insiste en poñer de relevo o comportamento do BNG que non só decide condicionar o voto do seu partido na moción de censura se non de que ademais decide como debe votar o actual concelleiro ou o edil que no futuro o substitúa, isto é, abre a porta ao relevo deste concelleiro. O alcalde insiste en que, a pesar da imaxe que pretendan transmitir desde o BNG, os propios veciños son conscientes de que ante este tipo de comportamentos hai bastante división e diverxencias internas no seno da formación política nacionalista.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
