Ribadeo, 12 de xuño de 2013. Nova iniciativa que se desenvolverá ao longo dos vindeiros días dentro do programa Ribadeo Emprende. A actividade, que organizan as Concellaría de Desenvolvemento Local e Mocidade, denomínase Mira.Me e inclúe un curso para conseguir a nosa marca persoal, que se inicia mañá de 17 a 20 horas na Casa da Xuventude. Despois os asistentes elaborarán un guión para realizar o seu vídeo currículo, que gravarán cara o mes de setembro, e a fase final suporá que eses traballos se volquen nun blogue para a súa difusión a través das redes sociais.
O edil de Mocidade, Xavier Campos, lembrou que “o elemento central do Ribadeo Emprende é o apoio aos emprendedores, a todas aquelas persoas que están a buscar maneiras de saír adiante no entorno laboral neste tempo tan complexo e tan difícil que estamos a vivir, e que están a apostar pola innovación, pola formación e pola creatividade como fórmulas a partires das cales poder xerar oportunidades de emprego e de traballo”.
O concelleiro nacionalista dixo que “nós desde Desenvolvemento Local e desde Mocidade temos moi clara a liña de apostar pola xente nova e pola non tan nova, pero que sabe que hoxe en día compre singularizarse a partires deses elementos do talento, da innovación, da creatividade… e neste sentido o que poñemos en marcha nesta ocasión é este programa Mira.Me”.
Campos explicou que “esta nova iniciativa consta de tres partes. Unha primeira que estará centrada nun taller de elaboración dun branding persoal, dunha marca persoal, que permita aos participantes desenvolver unha marca propia para comunicar con máis éxito os seus proxectos”. Este curso comeza mañá, 13 de xuño, na Casa da Xuventude e seguirá os días 14, 20, 21, 25 e 26 de xuño. O concelleiro de Mocidade seguiu a contar que “despois haberá outra actividade para elaborar un vídeo currículo, porque tamén se entende que é necesario moverse no entorno virtual das novas tecnoloxías para ser capaz de chegar a máis persoas e para comunicar mellor aquelas ideas e propostas de traballo que facemos”. Os asistentes ao Mira.Me disporán dunhas titorías individuais sobre a guionización do vídeo currículo os días 27 e 28 de xuño. A gravación dos mesmos levarase adiante durante os meses de xullo e setembro.
Xavier Campos engadiu que “a última fase será a de difusión nas redes sociais deses vídeo currículos, das propostas de traballo que se xeren nestes talleres. O número de participantes será de 15 persoas. Os interesados/as en participar poden dirixirse á Axencia de Desenvolvemento Local e á técnica Mónica Barcia, para recibir e ampliar máis información desta iniciativa que da comezo mañá”.
O edil responsable de Mocidade dixo que “como Concello non renunciamos a apoiar e a facer aquilo que consideremos que vai ser positivo para abrir camiños e para abrir unha certa esperanza a persoas que teñen formación, coñecemento e talento, pero que se están a ver atrapadas nunha crise coa que nós estamos a ser moi críticos, sobre todo cos últimos motivos da mesma e con cómo se está a xestionar en contra das maiorías sociais e do conxunto da sociedade. Nós somos conscientes das limitacións que temos como Concello á hora de poder confrontar esa crise, pero non renunciamos a facer propostas que poden ser positivas para apoiar a persoas que teñen ideas, talento ou capacidade de innovación para saír adiante no campo laboral”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
