Foz, 1 de xuño de 2013.- O BNG de Foz no pasado Pleno Ordinario do Concello sacou adiante todas as mocións presentadas.
A primeira era unha moción para expresar o rexeitamento á proposta do Goberno do Estado relativa á supresión dos Xulgados de Paz e á asunción por parte dos Rexistros da Propiedade e as Notarías das funcións dos Rexistros Civís, instándoo á inmediata retirada deste anteproxecto de lei. Estas anunciadas reformas do PP van afectar negativamente a moitas persoas ao desapareceren estes órganos de apoio xudicial básicos, sen máis alternativa que a concentración da xustiza en xulgados localizados en determinadas cabeceiras de comarca e nas cidades.
A segunda moción aprobada foi a de manifestar e facerlle chegar o apoio e a consideración da Corporación Municipal de Foz polo seu mérito ao xove físico Diego Martínez Santos, veciño do noso concello, e instar á Xunta de Galiza e ao Goberno Español para que rectifique as súas políticas de recortes en investigación e amplíe as becas Ramón y Cajal, así como as bolsas e os programas destinados a investigación, desenvolvemento e innovación (I+D+I) porque isto para calquera país é unha aposta de futuro. O BNG agradece e aplaude a unanimidade de todos os grupos políticos da corporación.
A última moción, onde se produciu un arduo debate co PP, que votou en contra, foi a proposta de retirada da lei orgánica para a mellora da calidade educativa (Lomce) por ser unha lei involucionista que reflicte as posicións ideolóxicas máis extremas e reaccionarias, claramente defensora dos postulados da patronal e da Igrexa Católica e moi lesiva para o ensino público, para a igualdade de oportunidades e para o idioma galego.
O BNG, nos puntos de política municipal, abstívose no Recoñecemento Extraxudicial de Crédito porque iso é bo para os provedores, autónomos e empresarios de Foz que están sen cobrar desde o ano pasado. Sen embargo, o BNG critica moi duramente a política económica do PP porque non ten control sobre o gasto e non cumpre coa legalidade á hora de gastar (vulnerando a Lei de Contratos ou a Lei de prelación de pagos). Ao día de hoxe o Concello de Foz ten un remanente negativo de -136.982 euros e non positivo como di o alcalde.
Outro punto importante foi a aprobación da modificación da ordenanza fiscal da axuda no fogar onde o BNG tamén se abstivo, nun acto de responsabilidade ante o risco de que se non sairá aprobada o Concello puidera perder as subvencións da Xunta para este ano (sobre 400.000 euros). Isto non é óbice para que o BNG estea en contra das políticas de recortes, privatizacións e suba de taxas do PP no goberno da Xunta (ata un 100% nalgúns casos), que sen ningunha dúbida suporá para moitas persoas reducir ou incluso abandonar o servizo de axuda no fogar.
O BNG lamenta que quedara enriba da mesa a Ordenanza reguladora das terrazas e instalacións en vía pública debido aos votos de PSOE e UNIFOZ porque é unha oportunidade perdida cando as posturas non estaban tan afastadas e porque isto significará un novo retraso para regular o caos existente actualmente neste tipo de instalacións.
No apartado de rogos e preguntas, O BNG pediu que se mantivera a frecuencia na recollida de lixo nas parroquias, solicitou que se coidara máis a imaxe do pobo e mostrou a súa preocupación polo retraso na contratación de socorristas para as praias no verán.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
