Burela, 18 de xuño de 2013. O Concello de Burela seguirá colaborando cos centros de ensino primario para conciliar a vida familiar e laboral. Esta é, a xuízo da edil de Educación, Mónica Pedre, a conclusión da reunión que onte, luns, a última hora da tarde, mantivo o alcalde, José María González Barcia acompañado da edil de Xuventude e Deportes, Beatriz Piñeiro, e a propia Mónica Pedre, con representantes das asociacións de nais e pais dos dous centros de primaria da localidade.
Mónica Pedre asegurou que “o Concello vai manter as mesmas actividades que tivemos este curso: deportivas, medio ambientais e a asistencia á piscina. Se é certo que non podemos incrementar o gasto que destinamos a estas actividades, tamén é certo que seguimos apostando por elas, porque entendemos que o investimento en educación e na conciliación da vida laboral e familiar é fundamental”.
A concelleira de Educación tamén falou dos comedores, “o alcalde foi claro nese aspecto: se non hai nada que o impida, o Concello seguirá sufragando os custos das coidadoras do comedor”. E engadiu que “este persoal supón un investimento de 45.000 euros anuais derivados dos impostos de todos os veciños e veciñas de Burela, pero entendemos que é un servizo que hai que manter, de aí o noso compromiso, insistimos, sempre e cando non haxa nada que o impida”.
Pedre Otero fixo mención a outros temas que saíron durante a entrevista, que cualificou de “moi cordial e positiva, e na que se deu un amplo intercambio de pareceres”. Dentro de eses temas, Mónica Pedre citou o estado das edificacións, e afirmou que “o Concello cumpre coas súas obrigas en canto a mantemento e conservación dos centros. De feito, o propio alcalde e eu mesma tivemos unha reunión co conselleiro Jesús Vázquez para expoñerlle as necesidades que teñen os centros; sabemos perfectamente cales son, e estamos dispostos a colaborar cos centros e coa Xunta para buscarlles solución”.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
