Lugo, a 24 de xuño de 2013.- O Grupo Provincial do Partido Popular solicitará na sesión plenaria da corporación lucense, que se celebrará mañá, que se habilite un sistema de asesoramento na Deputación de Lugo para os afectados polas preferentes.
Deste xeito, os populares pídenlle ao presidente José Ramón Gómez Besteiro, que ao igual que están a facer outras institucións provincial e locais, poña os medios necesarios que ten da súa man para lograr unha maior axilidade na resolución desta situación.
Os populares explican que é imprescindible unha implicación directa da Deputación Provincial de Lugo, que vaia máis alá da presentación de iniciativas plenarias nas que se limita a pedir a outras administracións que adopten as medidas necesarias. Desde o PP insisten en que é preciso pasar de declaracións de boas intencións a feitos concretos, prestados desde a propia administración provincial, que contribúan a apoiar aos afectados por estes produtos financeiros
Por iso, dende o Grupo Provincial Popular, coñecedor do funcionamento de redes de oficinas de asesoramento que puxeron en marcha a iniciativa propia noutras Deputacións e concellos, solicita a mesma xestión por parte do ente provincial que permitirá un asesoramento especializado, con apoio legal e individualizado para a busca da fórmula máis efectiva para a recuperación do diñeiro atrapado en produtos híbridos.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
