CERVO, 12 DE XUÑO. A Asociación de veciños de Cervo e Sargadelos anuncia a creación da chamada Comisión veciñal en defensa dos servizos sanitarios de Cervo, “o que comezou sendo un problema só para os veciños de Cervo, xa que nos preocupaba a perda do médico do noso centro de saúde, estase a converter nunha preocupación para tódolos habitantes deste concello.
As medidas a tomar pola actual Xunta de Galicia apuntan a que ó final nos quedaremos cun médico menos, pasaremos de 4 a 3”. O pasado luns foi convocada unha reunión para tódolos colectivos veciñais do concello co obxecto de poñer enriba da mesa esta situación, “o noso único fin é que se manteñan os servizos tal e como estaban. Creamos esta comisión para seguir loitando nesta dirección e a día de hoxe somos 21 os colectivos que firmamos este acordo”. Esta vintena está composta por diferentes axentes sociais do concello, “asociacións de veciños, asociacións de mulleres, colectivos culturais, deportivos, partidos políticos, sindicatos. Todos apoiamos a idea de que os nosos servizos sanitarios non se poden ver mermados. Lembramos a aqueles cos que non poidemos contactar ou que non puideron acudir á xuntanza, que as portas están abertas. Por suposto, non se pecharán a ninguén que queira loitar por ese denominador
común que é a sanidade pública do noso concello”.
Dende a Asociación de Cervo e Sargadelos lembran que “hai dous días, varios representantes dos veciños conseguimos forzar unha reunión con responsables do SERGAS que acudiron ó centro de saúde de San Ciprián. Só nos quixeron tratar de convencer de que con tres médicos poderemos estar mellor que con catro grazas á optimización e rendibilidade dos servizos”. Engaden que “a única verdade é que con menos facultativos o servizo verá mermada a súa calidade pois a carga de traballo será moito maior para cada un deles. Se hoxe temos as listas de espera que temos non queremos saber qué pasará cando se vexa reducido o cadro de persoal”. Ademais de malas novas, “quérennos facer calar con mentiras a medias. Queremos un compromiso real e efectivo que manteña os servizos que tiñamos hai dúas semanas”. Mentres a situación non se resolve, convocamos “para mañá unha concentración ás 12.00 horas ás portas do centro de saúde de San
Cibrao e o vindeiro venres á mesma hora diante do centro de atención primaria de Cervo. A parte das protestas, este mesmo xoves ás 20.00 horas terá lugar na Casa da Cultura de San Cibrao unha reunión informativa para dar a coñecer o trancorrer da situación e intercambiar as nosas ideas e opinións ante o asunto”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
