A Deputación de Lugo “non pagará nunca nada ilegal”. Por iso, non financiará os Grupos de Emerxencia Supramunicipais (GES) dos Concellos Guitiriz, Quiroga e O Courel, pois cometeron -e así o recoñeceron os seus propios alcaldes e a Xunta de Galicia- graves irregularidades na selección do persoal destes equipos. O organismo provincial tomou esta decisión despois de constatar na reunión da Comisión de Seguimento do convenio para despregar os GES celebrada na mañá deste venres en Santiago que a Administración autonómica “permite e avala” ditas anomalías, e non está disposta a esixir a súa rectificación: o Concello de Guitiriz alterou as bases da selección, cando deben ser “comúns para todos e públicas”; e os de Quiroga e O Courel fixeron concursos de méritos, en vez de oposicións, como establece o convenio. No caso courelés, tras saberse que a Alcaldesa contratou á súa propia irmá, agora coñécense outras irregularidades, pois tamén entrou no grupo de emerxencias un primo carnal do seu marido e outras persoas afíns ó PP, que estiveron xa traballando noutras ocasións para o Concello.
Así o explicou o Deputado provincial e membro da FEGAMP José Luis Raposo, quen participou na xuntanza, ademais de recalcar que, “mentres estes tres municipios non rectifiquen e non axusten a súas actuacións literalmente ó texto do convenio asinado por Xunta, FEGAMP e Deputación”, a entidade luguesa non lles fará as achegas “porque non están cumprindo coa legalidade, pero tamén para non discriminar ós Concellos que si cumpren e actúan conforme ó acordo”. “O cumprimento dos convenios non pode quedar ó libre albedrío da decisión unilateral dunha das partes. Estase a quebrantar unha regra básica do sistema de relacións bilaterais, mesmo sancionado polo Dereito civil”, subliñou.
Total permisividade da Xunta
Raposo censurou a “total permisividade” mostrada pola Xunta en todo este proceso cos “concellos da súa cor política, pois non só tratou desesperadamente de xustificalos, cambiando continuamente de versión, senón que quixo evitar por tódolos medios que na Comisión de Seguimento se tratase o acontecido en Guitiriz e Quiroga. Tivemos que forzar o debate na reunión de hoxe, pois a pesar de pedírllelo formalmente, non incluíron este punto na orde do día”.
O Deputado denunciou, por outra banda, que a acta da primeira Comisión, celebrada o pasado luns, non recolle o tratado na mesma “ó non incluír literalmente as manifestacións feitas segundo as que se acordaba suspender a selección de persoal no Concello do Courel e a paralización para un posterior estudo dos correspondentes a Guitiriz e Quiroga”. Por iso, “non entendemos por que hoxe rexeitaron a nosa petición de gravar todas as xuntanzas para evitar futuras terxiversación do acontecido nelas”, indicou.
Posible invalidez
Outras das eivas denunciadas polo organismo provincial na Comisión de Seguimento de hoxe, e que tumbou tamén a Xunta, é que a composición do propio órgano “incumpre a regra básica da paridade entre institucións, é dicir, que todas teñan o mesmo número de representantes, perxudicando deste xeito á Deputación ó recortarlle a representación que lle corresponde á Deputación como entidade que cofinancia o convenio”, argumentou Raposo. “Antes de tomar decisións debería precisarse a composición da mesma. Se non se fai deste xeito, pode haber consecuencias xurídicas e que todo o acordado teña causa de invalidez”, aseverou.
A Deputación aclara así mesmo que a Comisión non ten potestade para adoptar decisións, senón para “interpretar o convenio ou velar polo seu cumprimento, e propoñer as medidas necesarias para garantir o exercicio das competencias de cada unha das partes”.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
