A Comisión Executiva da Fegamp, reunida na mañá deste mércores 17de xullo, acordou dar unha marxe ao Goberno para que atenda ao informe do Consello de Estado sobre o anteproxecto de reforma da administración local. Segundo indicou o presidente da Federación e alcalde de Ferrol, José Manuel Rey Varela, “o prudente é esperar para ver se se fan os profundos cambios que pide o Consello de Estado”.
Para Rey Varela, “parece que o ditame se está tendo en conta e o Goberno vai cambiar varios aspectos do anteproxecto”, polo que avogou por “agardar a ter o texto final para facer valoracións e adoptar as decisións que se consideren oportunas”.
A Fegamp solicitará ademais á FEMP que convoque o seu Consello Territorial para abordar o novo escenario que se abre tras o informe do órgano consultivo, e que reforza a postura dos alcaldes e alcaldesas de toda España á hora de negociar a reforma local co Goberno.
José Manuel Rey destacou ante a Executiva que o informe do Consello de Estado “é un aval a todo o traballo que a Fegamp realizou desde que se abriu o debate da reforma local”. “Apoia non só as nosas alegacións, senón que coincide nalgúns aspectos tamén coas que presentou a Xunta”, o que pon de manifesto “que as reivindicacións do municipalismo galego non só son lexítimas, senón que ademais teñen base xurídica”.
Así, congratulouse de que o Consello de Estado reprobe o concepto do custo estándar, cuestione o redimensionamento das deputacións e alerte do baleirado competencial nos concellos. “Dásenos a razón nas nosas principais alegacións”, subliñou o alcalde ferrolán.
O grupo socialista presentou unha petición de convocatoria dunha asemblea xeral de alcaldes. A Fegamp acordou estudar a súa procedencia unha vez se coñezan os cambios introducidos polo Goberno no anteproxecto. Rey Varela lembrou que en todo este proceso “a Fegamp falou como voz única e lexítima dos concellos, desde unha postura de consenso que é precisamente o que nos dá forza, e que hai que preservar”.
Diálogo co Sergas
Rey Varela informou ademais aos membros da Comisión Executiva dos avances conseguidos tras a recente reunión da directiva da Fegamp coa conselleira de Sanidade, Rocío Mosquera. “Conseguimos desbloquear dúas ordes de enorme importancia como son a de asistencia a drogodependentes e mantemento de centros de saúde, e doutra banda a de prevención de drogas”, atrasadas respecto dos prazos de anos anteriores.
A Federación valorou positivamente que estas liñas se manteñan, xa que afectan a servizos de especial sensibilidade como son os referidos a drogodependencias, e para os que os concellos destinan fondos propios. “Confiamos en subscribir o convenio anual de asistencia e centros de saúde canto antes para aliviar as castigadas arcas municipais”, manifestou Rey Varela.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
