Burela, 23 de xullo de 2013. O barco museo Reina del Carmen acolleu este mediodía a presentación da feira do bonito que se desenvolverá o vindeiro 3 de agosto na explanada portuaria. O alcalde, José Mª González Barcia, definiu a feira do bonito coma un referente do verán en Burela e en toda A Mariña lucense.
O rexedor dixo que “a festa do bonito é un evento entrañable para Burela, é un acto xa consolidado e un referente do verán en Burela e en toda A Mariña. Agardamos repetir o éxito de anos anteriores”. González Barcia agradeceulle á Sociedade Cultural Ledicia e a todos os seus colaboradores “o seu traballo desinteresado, xa desde días antes para que a festa do bonito sexa un auténtico éxito”.
A feira de produtos ecolóxicos e artesanais Produart 2013 está organizada pola Fundación Expomar, “entendemos que tamén está consolidada e ven configurar xunto coa festa do bonito esa primeira fin de semana do mes de agosto, que para os bureleses e os mariñáns é un referente. Animamos a todos os que se atopen pola zona nesa época a vir a Burela durante esa fin de semana, porque todo vai ser sumamente atractivo”. O rexedor lembrou que “Produart é unha feira de artesanía, ecoloxía e medio ambiente, como feira de produtos ecolóxicos e artesanais, é fiel reflexo dos valores da postmodernidade. Así, dende esta plataforma búscase o desenvolvemento dos sectores relacionados con outra forma de produción non agresiva: a ecolóxica e a artesanal. Buscamos promover entre os nosos visitantes as ideas de sustentabilidade e de respecto ao entorno, servindo ademais como reclamo da actividade turística da zona que busca a calidade e aposta por estes xeitos de vida. O apoio das pequenas empresas con iniciativas nestes eidos e a promoción dos produtos locais, artesanais e tradicionais, e tamén aqueles produtos anovadores que difunden e recuperan a cultura ecolóxica, son outros dos nosos obxectivos”.
Produart 2013 dará comezo o 2 de agosto coa inauguración oficial, que está prevista para as 19:00 horas. Durante os tres días de duración do evento haberá mesas redondas, demostración de encaixe de bolillos, obradoiro de ecoxogos, etc, non faltarán as demostracións e degustacións nos stands da feira e no espazo adicado ás actividades por parte dos expositores. Ademais no recinto feiral na nave de redes poderase ver a exposición As nosas confrarías, sobre a importancia do sector pesqueiro e marino na Mariña de Lugo. Está cedida pola Federación de Confrarías de Lugo. O horario de visita a Produart será de o 2 de agosto de 17:30 a 22 horas e o sábado e o domingo abrirá de 11:30 a 14 horas e de 17:30 a 22 horas. A Fundación Expomar, organizadora deste evento, agradece a colaboración da Deputación Provincial de Lugo, da Federación de Confrarías, da Confraría de Pescadores burelesa e do Concello.
O ano pasado achegáronse a Burela durante a primeira fin de semana de agosto a disfrutar da feira do bonito e de Produart arredor de 10.000 persoas, “cifras que agardamos manter neste 2013”. Hai un ano a ocupación hostaleira na vila chegou ao 100%.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
