Cervo, 11 de xullo de 2013-A Concellería de Educación, que dirixe Pilar Armada, informa de que xa arrincaron as actividades do Plan de Redución do Abandono Escolar do Concello de Cervo. Unha iniciativa completa, que inclúe numerosos programas pensados para tramos de idade e colectivos variados. Ao mesmo tempo, a delegación tamén quere facer un chamamento á mocidade para que se siga inscribindo xa que aínda se poden incorporar a calquera das actividades. Para informarse e inscribirse, os mozos e mozas poden poñerse en contacto coa Casa da Cultura, no 982 59 51 57, ou no teléfono 666 38 78 50.
En concreto, o plan divídese en tres programas: Recuper@, Reaccion@ e Rengánch@te, e cada un deles ten uns obxectivos. Recuper@ é unha iniciativa dirixida aos alumnos de 3º e 4º da ESO e PCPI coa que se pretende axudar aos mozos e mozas a adquirir técnicas e pautas de estudo para mellorar o rendemento escolar e ao mesmo tempo motivalos a continuar coa súa formación académica. Ademais, complementarase con clases de apoio aos rapaces de cara á preparación dos exames de recuperación de setembro.
En canto ao programa Reaccion@, está formulado para mozos e mozas de 16 a 24 anos que abandonaron os estudos, polo que neste caso o obxectivo é contribuír a que atopen unha saída profesional atractiva e adaptada ás súas necesidades e preferencias e, ao mesmo tempo, encamiñalos de novo cara a formación.
Existen tres actividades diferentes: Restauración e “tuneado” de mobles, customizado de roupa e complementos, e agricultura ecolóxica e sostible. Cabe destacar que os tres obradoiros compleméntanse cunhas nocións de comercio electrónico e tradicional co obxectivo de amosarlles aos mozos as moitas posibilidades que ofrece a Internet como medio para facer negocios e comercializar produtos moi diversos así como que coñezan a fórmula das cooperativas como opción viable. En todo caso, trátase de tomas de contacto con estes oficios alternativos que non pretenden substituír ningún tipo de formación, senón que a mocidade vexa que existen multitude de saídas profesionais máis alá das habituais.
A terceira das iniciativas, Rengánch@te, créase como un punto de apoio e orientación ás familias no que se inclúe a Escola de Familias, un lugar de encontro para pais e nais no que compartir experiencias e buscar solucións aos problemas máis cotiáns en relación coa educación dos seus fillos. Ademais, está previsto habilitar un servizo de información e tramitación das bolsas do Ministerio de Educación en canto abra o prazo de solicitude.
A edil de Educación cualifica de “innovador” este plan para loitar contra o fracaso escolar xa que “busca axudar tanto a mozos como familias e no que se atenden os distintos problemas e situacións nos que se poden atopar os mozos desmotivados, tanto nos seus estudos como no seu futuro laboral”. Polo tanto, Armada convida á mocidade e a pais e nais a implicarse neste plan e participar nestas actividades gratuítas para as que o Concello solicitou tamén unha subvención á Consellería de Educación.
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
