Dende o PSdG-PSOE de Burela queremos facer unha crítica contundente á maneira de levar a política turística do equipo de “desgoberno” do Partido Popular de Burela. Temos que criticar a falla de interese total e a desidia coa que está actuando este equipo de “desgoberno” neste senso, e que está a prexudicar claramente a imaxe do noso pobo causando un grave prexuízo económico á nosa hostalería.
Non fai falla máis que dar unha volta polo noso pobo para ver a imaxe de deixadez que se pode ver nas xardineiras de Arcadio Pardiñas (como se pode ver na imaxe), a oficina de turismo pechada, o barco museo que é unha referencia turística do noso pobo pechado e abandonado á súa sorte, cubos de basura desprendendo un olor insoportable, etc, etc, etc…
O que si podemos comprobar é que ó noso alcalde lle gusta máis a foto que un caramelo a un neno, gústalle facer anuncios e publicitarse como a ninguén, o problema é que os anuncios que fai carecen totalmente de fundamento e son mentiras. Como exemplo a nota de prensa que sacan o pasado 3 de maio anunciando un plan de rebacheo do pobo, nese anuncio saía fotografado xunto có que di ser o concelleiro de obras nun bache na rúa do Río, pois ben, como se pode comprobar na foto que adxuntamos, ou non pegou ben o alquitrán, ou non se fixo nada, como no resto do pobo. A proba non deixa lugar a dúbidas de ningún tipo. Podemos dicir que este equipo de “desgoberno” é un fraude para os veciños e veciñas de Burela.
Dende o PSdG-PSOE de Burela voltamos a pedirlle a este equipo de “desgoberno” que se poña a traballar dunha vez e se deixen de anuncios e de autobombo que non lles soluciona nada ós veciños e veciñas de Burela.
Por certo, xa vemos que cando se trata de obras que benefician ós membros do equipo de “desgoberno”, si que se apura e se anda áxil, non fai falla máis que ver que o asfaltado dunha rúa que pasa por diante do chale do Sr Fernández Valle (tenente alcalde), convértese nunha ampliación da rúa para facela avenida non vaia a ser que o flamante chale do personaxe en cuestión non quede á altura que se merece, pero deste tema xa haberá tempo de falar.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
