Preto de 100 establecementos comerciais de Ribadeo ofrecerán agasallos, descontos e un trato moi especial a aqueles visitantes que se fagan coa tarxeta 24 horas, que presentaron este luns o Concello e ACISA e que comezará a repartir deste martes 6 de agosto. Faranse con ela todos os que reciban a credencial do viaxeiro, é dicir aquelas persoas que percorran a costa entre As Catedrais e Ribadeo e presenten fotos dese areal, de Rinlo, do faro da Illa Pancha e do Cargadoiro na oficina de turismo da vila. Nese momento recibirán a devandita credencial e tamén a tarxeta do viaxeiro, que poderán empregar durante 24 horas en todos os comercios e restaurantes adheridos a ela. Nestes establecementos, que están sinalizados, obterán diversos agasallos.
O alcalde ribadense, Fernando Suárez, sinalou que “se o ano pasado ideamos unha iniciativa cunha acuarela coa que desde o Concello de Ribadeo obsequiamos a todos os visitantes que veñan á praia das Catedrais, pero que acaben indo tamén á vila: porque desde o Concello e desde o colectivo de comerciantes estamos traballando para que todo este foco de xente que veña aquí acabe tamén indo a Ribadeo. Sabemos que moita xente ven á Mariña soamente polas Catedrais e unha vez visitado este lugar non sabe moi ben onde está e pode irse a outro concello”.
O rexedor indicou que “nosoutros lexitimamente queremos que veñan a Ribadeo, que se queden en Ribadeo, que compren por Ribadeo. De aí que ideáramos o ano pasado esta credencial do viaxeiro. Levamos nesta primeira parte do verán unhas mil dadas, polo que son mil persoas que senón doutro xeito igual non se terían achegado ata Ribadeo vila. E agora queremos dar un paso adiante máis e facelo coa sinerxía e coa colaboración leal nunha simbiose moi boa que temos en Ribadeo entre ACISA e máis o Concello: estamos presentando agora o que se chama a tarxeta do viaxeiro, que se dará xunto coa credencial do viaxeiro na oficina de turismo a todas aquelas persoas que demostren que estiveron nas Catedrais, en Rinlo, na Illa Pancha e no Cargadeiro”.
Suárez Barcia e a vicepresidenta de ACISA, Mar Torviso, apuntaron que “esta tarxeta contemplará que todos aqueles establecementos adheridos, que son 93 neste momento pero poden ser máis, van ofertar nun período de 24 horas desde que a tarxeta lles é entregada na oficina de turismo de Ribadeo descontos e regalos para os que a teñan. En definitiva os turistas terán un reclamo máis para ir a Ribadeo, non soamente pola acuarela senón por estas bonificacións nos diferentes establecementos de hostalería, de comercio, de restauración, etcétera. Esperemos que sexa unha boa iniciativa para o comercio local de Ribadeo e principiámola agora”. Desde mañá comezará a repartirse na oficina de turismo da vila xunto coa credencial do viaxeiro.
Desde ACISA Mar Torviso agarda que “con esta acción fagamos máis atractivo do que xa é vir a Ribadeo e disfrutar en hostalería, en servizos e en comercio de diferentes cortesías, tanto descontos como regalos, pousavasos, marcalibros, chaveiros e un montón de recordos e cousas que esperamos que fagan que se corra a voz e o turismo que ven ás Catedrais tamén se pase por Ribadeo”.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
