O Punto de Atención á Infancia de Cervo organizou este luns un acto de clausura do curso 2012-2013 ao que acudiron os alumnos e alumnas e as súas familias así como os profesores e no que se ofreceron actividades diferentes segundo o tramo de idade dos pequenos. Os maiores, os de 3 anos, participaron nun acto especial de despedida do PAI, xa que para o curso que vén pasan a segundo ciclo de educación infantil. Un evento que consistiu na súa graduación, para o cal recolleron os diplomas e a orla ataviados co barrete e o broche típicos destes actos. Os nenos de 1 a 2 anos celebraron o seu Paso de Ecuador e aos máis pequenos, os de 0 a 1 anos, recibiron un recoñecemento polos seus avances neste primeiro curso. Un acto festivo que se vén celebrando nos últimos anos para despedir o curso e co que dende a Concellería de Educación pretenden “amosar aos alumnos a importancia que ten cada paso que dan na súa aprendizaxe” explica a edil, Pilar Armada.
Clausura do curso do PAI de Cervo
Relacionado
-
A Sociedade Cultural Ledicia fixo público o fallo do Concurso de Carteis da Feira do Bonito 2026
-
Artesanía, tradición e vida rural volven darse cita en El Franco cunha nova edición de Artenatur
-
Recepción no Concello de Ribadeo ao alumnado chegado de Croacia que realiza prácticas en empresas de automoción deste municipio da man da Asociación de Profesores de Automoción de Galicia
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
