Xogadores, corpo técnico e directiva reuníronse este luns na sede do CD Burela FS Pescados Rubén como punto de partida para a preparación da segunda tempada laranxa en Primeira LNFS. Os pupilos de Juanlu tomarán contacto coa pista da bomboneira este martes, coa primeira sesión, ás 10.00 horas.
Juanma, Edu, Christian, Iago Míguez, Matamoros, Mimi e Isi conservan a filosofía dun bloque ao que se incorporan David ‘Burrito’ e Antoñito, do Caja Segovia, e Hugo e Álex, do Santiago Futsal. Tamén se suman á dinámica de pretempada a promesa laranxa Carlitos e o meta do Burela FS B Brais, xunto aos xuvenís Diego ‘Alemán’, da familia laranxa, e Ismael, do Vilalba FS, e o madrileño Jorge García, que na tempada pasada militou no Andorra e Brihuega.
O cadro mariñán presentarase ante a afección de Vista Alegre o sábado 31 de agosto coa visita do Inter Movistar. Antes haberá moito traballo por diante. O primeiro amigable está programado para o sábado 17, cun torneo benéfico en Vilalba. O venres 23, a vila asturiana de Tapia será o destino para acoller un duelo lugués, entre o Burela FS e o Azkar Lugo. Un día despois, o Memorial Celso Currás de Trabada enfrontará os laranxas co Santiago Futsal nunha cita de tradición para os mariñáns. Composteláns e burelaos volverán verse as caras o xoves 29 no Memorial Coto Ferreiro da Estrada, cuadrangular que tamén reunirá a transportistas e o equipo anfitrión, de Terceira División. O martes 3 de setembro, O Parrulo FS, de Segunda, será o rival dos laranxas en Cedeira. Como peche de pretempada, a capital galega acollerá un cuadrangular os días 6 e 7, no que a escuadra mariñá se medirá a H. Llevant Manacor, Colegios Arenas Gran Canaria e Santiago Futsal.
En clave feminina
As actuais campioas de Liga e Copa de España tamén tiveron este luns unha cita co inicio de pretempada, en Vista Alegre, arroupada pola directiva laranxa. Baixo a tutela de Quico Otero, participaron na primeira sesión Lidia Mesías, Peque, Maite, Lara, Paula, Silvia Rubal, Claudia, Bea Mateos, Jozi e Patri. Marcela incorporarase aos adestramentos nos próximos días.
Antes de enfrontarse ao emocionante desafío da Supercopa (7-14 de setembro), a escuadra laranxa confirmou dous amigables con rivais de Primeira RFEF, Viaxes Amarelle (17 de agosto, A Coruña) e Ponte Ourense (24 de agosto, Memorial Celso Currás de Trabada).
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
