Burela (Lugo), 2 de agosto de 2013.- A comisión de valoración da Consellería de Traballo e Benestar vén de aprobar nove obradoiros de emprego na provincia de Lugo para este ano que beneficiarán a 192 persoas en situación de desemprego cun orzamento de 1,7 millóns de euros.
Así o anunciaron este venres a directora xeral de Emprego e Formación, Ana María Díaz, e a delegada territorial da Xunta en Lugo, Raquel Arias, que visitaron os concellos de Foz y Burela. En concreto, os nove obradoiros corresponden a 21 concellos, xa que algúns organízanse de forma conxunta entre varias localidades: Burela, Cervo e Xove; Foz; Lugo; Outeiro de Rei, Cospeito, Castro de Rei e Abadín; Pantón, Sober, O Saviñao; Rábade, Begonte, Guitiriz e Xermade; Sarria; O Vicedo, Muras e Ourol; e Vilalba.
Ana María Díaz salientou que na comarca da Mariña haberá tres obradoiros (Burela, Cervo e Xove; Foz; e O Vicedo, Muras e Ourol) nos que participarán 62 persoas desempregadas e cun orzamento de máis de 550.000 euros.
O obradoiro de Burela, Cervo e Xove, con 22 alumnos, centrarase nas especialidades de albanelería, xardinería, axuda a domicilio e pintura cun orzamento de máis de 195.000 euros. Pola súa banda, o de Foz, para 20 alumnos e cun presuposto de máis de 177.000 euros, versará sobre xardinería, axuda a domicilio e albanelería; e, por último, o de O Vicedo, Ourol e Muras terá 20 alumnos, un orzamento de máis de 177.000 euros e as especialidades de axuda a domicilio e xardinería.
Díaz destacou as vantaxes destes proxectos: favorecen o acceso a un posto de traballo, ao tempo que ofrecen unha formación teórico e práctica de calidade, certificada e adecuada ao mercado laboral; e permiten a realización de obras ou servizos de interese para a comunidade.
Ademais indicou que ao rematar o programa, o alumnado recibirá un certificado de validez para todo o territorio nacional, que demostrará a súa preparación e habilidades e que “incrementará moi significativamente a súa empregabilidade”.
Precisamente este venres a directora xeral e a delegada entregaron os diplomas do obradoiro de emprego “Punta Ventoeira”, desenvolvido en Foz entre xaneiro e xuño deste ano e no que participaron 21 alumnos traballadores.
A nova programación
Raquel Arias incidiu en que a provincia de Lugo contará con nove obradoiros este ano. Aos da Mariña, hai que engadir os de Lugo; Outeiro de Rei, Cospeito, Castro de Rei e Abadín; Pantón, Sober, e O Saviñao; Rábade, Begonte, Guitiriz e Xermade; Sarria; e Vilalba.
O obradoiro que foi solicitado polo concello de Lugo centrarase na especialidade de documentación dixital e electrónica e beneficiará a 24 persoas desempregadas. Para poñelo en marcha, a Xunta investirá 213.000 euros.
Tamén foi aprobado o que foi solicitado conxuntamente polos concellos de Outeiro de Rei, Cospeito, Castro de Rei e Abadín. Neste caso, serán 22 os beneficiarios que recibirán formación en albanelería, xardinería e carpintería de armar. O orzamento desta iniciativa acadará os 195.000 euros.
Ademais, porase en marcha o obradoiro dos concellos de Pantón, Sober e O Saviñao. A formación dos 20 participantes estará especializada nos eidos de xardinería, aplicacións informáticas e carpintería. O financiamento deste programa mixto de formación e emprego ascenderá aos 177.000 euros.
No caso de Rábade, Begonte, Guitiriz e Xermade haberá 20 alumnos para a especialidade de albanelería, tamén cun orzamento de 177.000 euros. Así mesmo, Sarria poderá formar a 22 persoas desempregadas nos eidos de axuda a domicilio, albanelería e xardinería, cunha inversión por parte da Xunta de máis de 195.000 euros.
Por último, o concello de Vilalba desenvolverá un obradoiro con 22 traballadores en situación de desemprego nas especialidades de albanelería, soldade e alicatado, xardinería e carpintería.
En total, en toda Galicia vanse levar a cabo un total de 50 obradoiros, grazas a un investimento de preto de 10 millóns de euros que beneficiará a ao redor de 1.300 galegos e galegas.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
