Cervo, 6 de agosto de 2013,- Citas clásicas como a Festa do Ovo Frito, a Queimada Popular ou o Mercado Tradicional mesturaranse cos eventos deportivos, os actos litúrxicos, os xogos para nenos ou as actuacións musicais para conformar o programa das festas patronais de Cervo na honra da Nosa Señora, San Roque e o Carme.
A edil de Cultura, Begoña Alonso e a comisión de festas conformada por membros das asociacións Airiños do Xunco, a Sociedade Deportiva Cervo Sargadelos, a Comunidade de Montes e o Concello deron a coñecer hoxe o cartel e o programa das festas, que arrincarán o día 12 coa inauguración da exposición de manualidades no Ecomuseo, na que se amosarán os traballos realizados polo alumnado dos cursos de costura e bordado, encaixe, e manualidades organizados pola Asociación de Veciños Cervo Sargadelos. Unha mostra que permanecerá aberta durante as festas en horario de 18:00 a 20:30 horas, agás o sábado, que se poderá visitar durante todo o día. Ese mesmo luns, a partir das 19:00 horas, terá lugar un concurso de debuxo infantil.
Os actos continúan o martes ás 21:00 horas, co ensaio xeral da Queimada. O mércores día 14 terá lugar a inauguración oficial das festas co pregón, ás 20:00 horas. Media hora despois chegará a cita gastronómica desta celebración, a VIII Festa do Ovo frito na que se prevé manter o nivel de participación do ano pasado servindo unhas 1.800 racións que inclúen dous ovos fritidos, patacas, chourizo á grella, pan e bebida por un prezo módico de cinco euros.
O día 15 comezará coa misa solemne na honra da Nosa Señora, procesión da Virxe da Asunción e do Carme, con ofrenda floral aos mariñeiros, prevista para as 13:00 horas. Unha hora máis tarde arrincará a sesión vermú coa orquestra Millenium. Xa pola tarde, a partir das 18:00 horas, desenvolverase o tradicional Trofeo Sargadelos que enfrontará á S.D. Burela e á S.D. Cervo Sargadelos. Outro dos actos habituais, como é o Festival Folclórico “Airiños do Xunco”, dará comezo ás 19:00 horas e incluirá as actuacións de Airiños do Xunco e Labradores de Trofa (Portugal). A verbena a cargo da orquestra Millenium arrincará ás 22:30 horas.
Os actos festivos continúan o venres 16 de agosto coa misa solemne e procesión na honra de San Roque ás 13:00 horas e a sesión vermú coa orquestra Madeira ás 14:00 horas, que tamén ofrecerá a verbena a partir das 22:30 horas. A tarde estará dedicada aos máis pequenos como é habitual, coa festa da escuma e xuncada, e xogos populares para todos das 18:00 ás 20:30 horas.
O último día das festas, o 17 de agosto, inclúe as dúas citas con máis tradición no programa como é o XV Mercado Tradicional, a partir das 10:00 horas, e a Queimada Popular, a partir das 23:00 horas, de Interese Turístico Galego, que este ano chega á edición número 35 e na que se representa o ritual da queimada, que despois se sirve entre os asistentes. A noite rematará coa verbena a cargo da orquestra Océano e o Dúo Diamantes.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
