Ribadeo, 14 de agosto de 2013. Mañá, 15 de agosto, comezarán a traballar dúas persoas máis nas oficinas de turismo de Ribadeo e das Catedrais. En total son 8 as técnicas que ofrecen información a diario aos miles de visitantes que se achegan tanto á vila como ás praias. O concelleira de Turismo, Ana Martínez, asegura que Ribadeo está a tope de xente estes días e que a ocupación hostaleira está moi preto do 100%.
A edil nacionalista amósase moi contenta “polo grande número de visitantes que estamos a recibir en Ribadeo durante este verán. Si xa no mes de xullo acadamos unhas cifras moi importantes no que levamos de agosto estamos a rexistrar datos históricos tanto de visitantes coma de ocupación hostaleira, porque estamos preto do 100% durante esta quincena e tendo en conta que Ribadeo conta cunhas 1.500 prazas hostaleiras é un dato a destacar”.
Segundo Ana Martínez “as oficinas de turismo de As Catedrais e de Ribadeo están atendendo a diario a máis de 1.000 persoas. Non damos abasto e a partires de mañá incorporaranse dúas técnicas máis a estes puntos, que sumadas ás que xa hai fan un total de 8. O obxectivo é atender da mellor forma posible a este grande número de viaxeiros que acoden ás nosas oficinas a pedir información”.
A concelleira de Turismo indicou que “seguimos a apostar pola calidade na atención e na información, xa que é a mellor carta de presentación que podemos ofrecer, avalada por todo canto Ribadeo lles pode ofrecer aos que nos elixen para disfrutar das súas vacacións. Temos a diario actividades culturais, unha gastronomía excelente, as praias, a natureza…”.
A praia das Catedrais está a rexistrar cifras históricas de visitas durante o mes de agosto, “chegando a producirse varios momentos de atasco e de colapso para poder acceder a ese areal. É de destacar o éxito tamén que están a obter as novas iniciativas turísticas que puxemos en marcha. En total xa se entregaron 3.000 credenciais do viaxeiro, esa acuarela que reciben todas aquelas persoas que percorren o litoral entre As Catedrais e Ribadeo e o xustifican con fotos. Dita credencial vai asociada desde o pasado 6 de agosto á tarxeta 24 horas que ofrece descontos e agasallos por parte de preto de 100 establecementos asociados a ACISA. En menos de 10 días de funcionamento desa tarxeta asociada á credencial do viaxeiro foron expedidas preto de 300”, seguiu a relatar Ana Martínez.
A concelleira nacionalista engade que “Ribadeo está a rebosar de xente. E isto é moi importante pola repercusión económica que está a ter na vila e no sector servizos”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
