Este xoves comezou o Resurrection Fest en Viveiro co que colabora a Deputación. Este festival de música heavy metal, hardcore e punk converteuse en poucos anos en referente mundial. A cita supón unha importante oportunidade de negocio para a zona polo que a Deputación leva anos axudando ós organizadores con achegas económicas elevadas para conseguir traer á mariña lucense os grupos máis importantes do panorama musical. Para este ano a Deputación mantivo a contía da súa achega, a pesar da crise os organizadores contaron cunha axuda do ente provincial de 10.000 euros. Ademais a Fundación Tic, dependente da organización se encargará de toda a produción audiovisual do evento por segundo ano consecutivo. De feito, os asistentes seguiron os concertos do primeiro día a través dunha pantalla xigante colocada no recinto e os que onte se perderon a cita poideron desfrutar igualmente dos concertos en streamming coma en diferido, na canle http://resurrection.tv.
No primeiro día de festival destacaron as actuacións de Lamb of God, Trivium, Sylosis, The Casualties, Devil in me, The Flattiners, ou The Amsterdam Redlight District. Eran un total de 19 grupos que se distribuiron entre os 3 escenarios repartidos polo recinto e nos que os concertos comezaron un pouco antes das 15.00 horas e se estenderon ata ben entrada a madrugada. Os organizadores destacan ademais que neste primeiro día non hai que lamentar ningún tipo de incidencias e que en vista do éxito de onte agardan superar os 30.000 asistentes entre os tres días de festival.
Cartel do venres e sábado
Os concertos continuan este venres coas actuacións de 22 grupos que se reparten polos 3 escenarios do recinto. Os concertos non se solaparán e así os asistentes poderán escoitar a Slayer, Millencolin, Exodus, Velvedere, No turning back, Vita Imana, e For the Glory no escenario Moster Stage. No Jägermeister Stage poderanse ver as actuacións de The Exploted, Comeback Kid, Integrity, Lendakaris Muertos, Avulsed, Noctem, Noiseast e Display of power. No Arnette Stage tocarán Brutality, Rise of the Northstar, Dawn of the maya, Violent Eve, Wolves are Coming, Barbarian Prophecies e pechan o cartel do venres Cult.
O sábado interveñen outros 22 grupos entre os que destacan Bad religion ou Biohazard. O cartel completo e os horarios dos concertos pódese consultar na páxina web do festival: www.resurrection-fest.com.
Referente en todo o mundo
O Resurrection Fest é xa un referente internacional para os xiareiros deste tipo de música xa que no seu cartel se incluen grupos de grande fama internacional. Para a edición deste an o contan coas actuacións de Lamb of God, Bad Religion ou Slayer, entre máis de medio cento de agrupacións. A organización ten disposto un recinto no campo de fútbol das Lavandeiras con 3 escenarios diferenciados onde os grupos irán tocando sen coincidir no tempo das actuacións máis importantes.
Importante oportunidade para dar a coñecer A Mariña
Dende a Deputación consideran que o Resurrection Fest, ó atraer tanta xente e grupos tan importantes é unha importante oportunidade para dar a coñecer a Mariña como destino turístico. Segundo os organizadores, á cita acudirá público de 30 países diferentes que desfrutarán do Festival e de toda a riqueza da zona, contribuíndo á súa promoción fóra e a xerar riqueza en sectores estratéxicos como a hostalería e o turismo. Segundo un estudo da Universidade de A Coruña, en tan só 3 días, o evento deixa na cidade do Landro máis de 1,4 millóns de euros.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
