Burela, 21 de agosto de 2013. O próximo venres, día 23 de agosto, realizarase na praia do Portelo unha actividade denominada Uso responsable das duchas no areal. Está organizada pola Concellería de Medio Ambiente de Burela, a través do centro de educación medioambiental Gaia.
Os nenos e nenas que acudan á actividade estarán acompañados das monitoras de Gaia, que lles darán algunhas recomendacións para reducir o consumo e crear unha concienciación colectiva sobre o aforro de auga e o coidado ambiental: “entre estes consellos, estará a prohibición do uso de produtos de aseo nas duchas e lavapés; o coidado e protección da auga, un ben escaso do que debemos facer un uso responsable; ou que as duchas non son un lugar para xogar”.
Segundo explica a concelleira de Medio Ambiente, Patricia López Eijo, “o obxectivo desta iniciativa é reducir o consumo de auga, un recurso escaso e que en ningún caso se debe malgastar; concienciar á poboación sobre un correcto e adecuado uso da mesma e difundir entre os veciños e visitantes dos areais hábitos de coidado, respecto e protección ambiental”. Tamén sinalou que “os nenos cubrirán unha ficha indicando que accións contaminan a auga (C) e cales non contaminan (NC), como por exemplo: tirar o aceite usado polo desaugadoiro, usar xampús nas duchas dos areais, poñer na auga de fregar moitos deterxentes, usar deterxentes biodegradables, depositar o aceite de cociña usado nunha botella no colector correspondente, etcétera”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
