Cervo, 8 de agosto de 2013.- O Concello de Cervo ten previstos todos os medios e recursos necesarios para poñer en marcha os dispositivos especiais de seguridade e limpeza con motivo da celebración esta fin de semana da Maruxaina.
No caso do operativo de seguridade, hai que resaltar que aos efectivos da Policía Local e Protección Civil de Cervo sumaránselles os reforzos da Policía Autonómica e do destacamento da Garda Civil de Burela.
Este ano, ademais, existe unha novidade en materia de seguridade, xa que o disparo do castelo pirotécnico realizarase nesta ocasión dende o dique Anxuela. Un traslado co que se pretende cumprir estritamente coa nova lexislación en materia de fogos artificiais que pretende incrementar a seguridade neste tipo de espectáculos.
Ao mesmo tempo, a Policía Local está traballando xa na previsión dos cortes de circulación que se producirán nalgunhas rúas da vila. En concreto, non se poderá circular nin estacionar na avenida da Mariña no treito entre a rotonda da Casa do Mar e Correos, e nas rúas do Torno, Beiramar e Figueiras.
Ao mesmo tempo, a Policía Local informa de que están previstas rutas alternativas que permanecerán sinalizadas. Así, para cruzar San Ciprián en dirección ao Faro poderase utilizar a rúa dos Campos, onde só se poderá circular e en ningún caso estacionar nin parar debido precisamente a que esa será a arteria principal de comunicación da localidade durante o sábado. O mesmo ocorrerá na praza do Lugar e a do Penal, mentres a rúa Aduana será a indicada para baixar do Faro cara o centro da vila. De todos os xeitos, é recomendable evitar na medida do posible o acceso co vehículo ao núcleo de San Ciprián durante este día.
Dispositivo de limpeza
O Concello tamén traballa na posta en marcha dun dispositivo especial de limpeza a través do cal mobilizarase a un grupo de 30 operarios municipais, que comezarán a limpar as rúas da vila dende a mañá cedo para tentar recuperar a normalidade o antes posible.
Neste sentido, a administración local ten previsto ademais outras medidas, neste caso máis preventivas, como a posta a disposición de máis contedores. Nesta ocasión, o Concello duplicará o número de colectores nas rúas para facilitar á poboación o depósito do lixo. Tamén se colocarán aseos públicos nas zonas de festa.
Unhas accións, todas elas, “dirixidas a garantir por unha banda a seguridade durante a celebración desta festa de Interese Turístico Galego e que convoca a grandes multitudes de persoas e, pola outra a asegurar o bo estado da vila ao remate dos actos de forma que sexa posible combinar o ambiente festivo co respecto e a responsabilidade” explica o edil de Seguridade, José Ramón Soto.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
