O vindeiro martes 13 deste mes de agosto, ás 21 horas, tras da inauguración da Feira do Libro de Viveiro (20horas), terá lugar a presentación do libro de poemas de Xaime Oroza, ‘Dende mañá’, con ilustracións de Otero Regal. Falarán, desta súa nova proposta editorial, os dous asinantes da obra no marco da Feira do Libro. O poemario ilustrado que está editado por Regal Xunqueira e imprentado por Gráficas Neira Brochs sae á venda cun prezo de 15 euros. “Dende mañá”, trae a poesía a Viveiro e dende Viveiro, no estoupido da palabra escollida e recollida no vagar de Xaime entre as rochas salgadas da Ría e os montes e bagoadas do val do Landro. O asalto da voz que nos fala dende as páxinas, trochando a uniformidade que a cotío vampirízanos a sensibilidade, poñendo un pano mouro diante de todos os reflexos que nos aventan os ollos: o mar, o río, a brisa, a chuvia, o merlo ou a bolboreta…. Xaime levanta ese pano, interiorizando todo aquilo que recorre e aquilo todo que a el o empapa. E, con elo, abre a fiestra deste libro de poemas, revelándonos o que temos diante, tan preto e tan noso, aínda que pareza que viva ao noso carón coma un estraño veciño, ata que Xaime nolo presenta para que o coñezamos.
Presentación de ‘Dende mañá’ na Feira do Libro de Viveiro
Relacionado
-
Quedou estabilizado ás 23.48 horas deste luns o incendio do concello de Xermade, parroquia de Roupar, que segundo as últimas estimacións afecta unha superficie de 35 hectáreas
-
Guille, Sandra e Pita proclamáronse gañadores do VIII Mus na Praia, organizado pola asociación cultural LuMus o pasado sábado en Ribadeo
-
A Presidenta da Deputación, Carmela López, asistiu en Burela ao partido do Mundial entre España e Cabo Verde na fan zone impulsada pola institución provincial, unha xornada que reuniu milleiros de persoas con concertos, arte e competicións deportivas, e que incluíu a retransmisión do encontro nunha pantalla xigante na Praza da Mariña
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
