Foz, 21 de agosto de 2013. Este mércores presentouse o programa da III Festa Normanda, que se celebrará dende o 30 de agosto ó 1 de setembro. Esta edición conta coa novidade da torta normanda, creada por un grupo de pasteleiros de Foz cunha receita do século X.
No acto participou o alcalde, Javier Jorge Castiñeira, quen dixo iniciar “unha nova viaxe ó pasado, que será dende o 30 de agosto ó 1 de setembro en Foz. Esta terceira edición iníciase cun cartel impresionante, cheo de actividades e cunha participación tanto de focegos coma de normandos moi grande, participación tamén na organización, o cal quero agradecer dende logo a todas aquelas peñas, asociacións culturais, grupos folclóricos, ó propio Concello e ás asociacións de veciños, como a de San Martiño, que están a participar nunha fin de semana importante”.
O rexedor explicou que os actos comezarán “o venres na capela do Bispo Santo co pregón que dará Francisco Narla, un escritor que baseou a súa última obra precisamente nestas invasións normandas do século X na costa galega. Despois haberá unha recreación por parte dos veciños de San Martiño e logo baixarase e haberá unha queimada na zona da Praza do Concello. O día grande é o sábado, co desembarco viquingo, onde hai unha participación importante tanto de Taranis, que é o grupo que asesora e fai a recreación histórica desta festa normanda, como tamén dos propios veciños de Foz. Farase o desembarco propio dende barcos viquingos, haberá loitas entre normandos e focegos e despois, evidentemente, será o Bispo Santo o que faga o remate da propia escenificación. Máis tarde será o desembarco na hostalería. Durante toda a mañá e toda a tarde haberá diferentes xogos populares tanto na praza Conde Fontao como tamén no paseo da Ribeira, sendo un sábado cheo de actividades. O domingo é o desembarco infantil”.
Castiñeira destacou que “unha das grandes novidades dentro das moitas que hai é a presentación, tamén no día de hoxe, da torta normanda que entre un grupo de pasteleiros de Foz decidiron recuperar cunha receita da época da que estamos a falar. Fixeron unha torta que eu creo que é saborosa e que vai a ter moita proxección e pola que agradecemos precisamente a este grupo de pasteleiros que traballaran historicamente nesta torta. Invito a todo o mundo a que goce tamén, aparte da festa normanda, desta torta cunha receita totalmente elaborada con produtos que había no século X e cun sabor especial, cunha presenza preciosa. Seguro que vai a ser un éxito e de aquí en diante quedará esta torta normanda para a propia festa, podendo saborearse sempre en todas as festas normandas de Foz”.
O alcalde invita a “todo o mundo a que veña a Foz do 30 de agosto ó 1 de setembro e goce da recreación histórica que nos leva ós focegos ao século X, un século histórico que nos leva a recuperar a lenda do Bispo Santo”.
Ademais das actividades comentadas por Javier Castiñeira no programa inclúense outras como o mercado e campamento, que se realizarán o primeiro día da festa. O sábado contarase coa representación teatral por Os Quinquilláns; varios xogos populares como o tiro da paca de palla, a cucaña ou a carreira de pipos; a entrega de premios e o nomeamento do focego maior; as vodas viquingas e un concerto de música folk en vivo polo grupo Nasdrovia, na praza Conde Fontao. O domingo será a última xornada, co desembarco infantil, o desfile e a entrega de premios para as mellores indumentarias.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
