Ribadeo, 19 de agosto de 2013. Arredor de 45.000 persoas pasaron dende o 1 de xullo ao 18 de agosto polos dous puntos de información turística de Ribadeo, segundo os datos que daba a coñecer esta mañá o alcalde, Fernando Suárez, que tamén destaca o éxito do caderno de viaxeiros ribadenses e que a ocupación hoteleira está preto do 100%.
O rexedor sinalou que “Ribadeo é un destino turístico emerxente, ao que cada vez ven máis xente, algo que nos honra dende o Concello. E que toda esta campaña de publicidade que levamos un tempo facendo, agora vemos como está dando os seus froitos. Apoiámonos en datos e non soamente en impresións, dado que as cifras que nos ofrecen das oficinas de turismo tanto de aquí de Ribadeo como do punto de información turístico das Catedrais, a verdade é que abraian e marean pola cantidade de xente que nos ven visitar”.
Entre os datos ofrecidos polo alcalde figuran que “neste pasado mes de xullo atendéronse a 10.000 visitantes na oficina de Ribadeo, pero é que no punto de información turística das Catedrais, nese mesmo mes, atendéronse a 12.000 visitantes. Hai que ter en conta que máis de 22.000 persoas polo tanto viñeron pedir información turística a algún destes dous puntos no mes de xullo, que non quere dicir as moitas máis que viñeron ao noso concello durante ese período”.
Suárez Barcia explicou que “se nos achegamos ao mes no que estamos, ao mes de agosto, nesta primeira quincena que acabamos de superar, acudiron á oficina de Ribadeo máis de 7.000 persoas e á das Catedrais máis de 10.000 persoas, atendendo diariamente a máis de 1.000 persoas entre as dúas oficinas, chegando a días de case 1.500. Digo isto porque é o primeiro ano que contamos a pleno funcionamento con oito informadoras turísticas aquí en Ribadeo e, aínda así, hai colas nas dúas oficinas”. O rexedor convidou “a calquera persoa a que se achegue en calquera momento á oficina de turismo de Ribadeo ou ao punto de información turística das Catedrais, para ver a demanda que hai de información sobre todo do noso concello e tamén, como non, da comarca e do país”. E engadiu que “a ocupación hoteleira está preto do 100%, preto da ocupación total, a xulgar polas consultas que fixemos a un número considerable de establecementos. As procedencias seguen sendo moi importantes de Madrid, Cataluña, Castela e León, País Vasco, e de importancia estranxeira, sobre todo, de Francia, Alemaña e Italia. Téñennos visitado turistas de máis de 32 nacionalidades”.
Polo que se refire á pasada ponte festiva comprendida entre o 15 e o 18 de agosto foron 2.500 as persoas que se achegaron á oficina de turismo de Ribadeo en busca de información e máis de 3.000 ao punto das Catedrais. Suárez Barcia subliña que “só o venres cuantificamos a entrada de máis de 10.000 persoas na praia, cifra que se repetiu noutras xornadas desta ponte, pero o número de persoas que piden e demandan información é unha porcentaxe pequena, porque tamén moitos turistas acoden directamente ao areal sen pasar por este punto”.
O alcalde de Ribadeo destacou “o caderno de viaxeiros ribadenses, a través do que damos as credenciais coa acuarela das Catedrais a todas aquelas persoas que vaian ás Catedrais e que logo saquen varias fotos en diferentes situacións como Rinlo, a Illa Pancha, o Cargadeiro ou mesmo o parque de San Francisco. Xa levamos tres mil dadas. E nunha iniciativa que votamos a andar hai moi pouquiños días en colaboración con ACISA, a Asociación de Comerciantes, polo cal tamén entregamos esta tarxeta de 24 horas de duración para que poidan facer descontos nos establecementos adheridos, xa levamos entregadas máis de 500 tarxetas”.
Fernando Suárez Barcia felicitou “á hostalería e ao comercio porque eu creo que estamos dando o callo duramente nesta temporada alta. Ribadeo está de moda e é cada vez máis visitado, ben sexa polo casco vello, ben sexa polas praias, pola gastronomía ou por este fenómeno turístico internacional como é a praia das Catedrais, pero é un sitio que está en alza e que cada vez se acorda, para ben, máis xente de nós”.
O albergue de peregrinos do Cargadeiro (Ribadeo) rexistra un cheo a diario, moitos camiñantes pasan a noite no de Vilela, e outros elixen os hostais da vila. Segundo os datos que hoxe deu a coñecer o Concello chegan de lugares tan diversos como a República Checa, Alemaña, Francia, Polonia ou Corea do Sur.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
