A Deputación reforza os medios para a mellora de vías municipais co obxectivo de superar os 6 millóns de euros anuais que xa aforra ós Concellos con esta medida de cooperación. A Xunta de Goberno aprobou a adquisición de 2 palas retrocargadoras, que se incorporarán ós 3 equipos de rego e 2 limpeza, que a institución mantén despregados na provincia, mellorando estradas, accesos ou pistas, estritamente locais e, principalmente, situadas en núcleos rurais.
O voceiro provincial socialista, Manuel Martínez, adiantou que son 145.000 euros, ós que se achegan a esta contratación, “cartos que longamente se amortizan, tendo en conta o aforro de custes ós Concellos”. E é que, con persoal propio, concretamente con 20 operarios, e con 15 máquinas do Parque Móbil, a Deputación aforrou ós municipios no último ano 6 millóns de euros. Son os cartos, segundo os prezos do mercado, que terían que desembolsar estas entidades locais, no caso de que asumisen os traballos de mellora de estradas locais, que lles executou gratis a Deputación. Tratou do acondicionamento de case 600 quilómetros de vías pertencentes a 20 Concellos “de todas as cores políticas”: Castro de Rei, Becerreá, O Corgo, Guitiriz, Cervantes, Lourenzá, Castroverde, Mondoñedo, O Páramo, O Incio, Sober, Xermade, A Pastoriza, Viveiro, Pobra do Brollón, Navia de Suarna, Samos, Ribadeo, A Pontenova e Monforte de Lemos.
Guía de boas prácticas
A Deputación ofrecerá gratis a Concellos e empresas lucenses unha guía de boas prácticas para a compra verde de produtos e servizos ós cidadáns, que contribúan ó aforro de gastos correntes e ó desenvolvemento sostible da provincia. A Xunta de Goberno aprobou a contratación deste servizo por 32.500 euros, financiados nun 80% pola Unión Europea. Trátase dunha nova iniciativa do programa Lug02, coa que, seguindo a normativa medioambiental vixente, o organismo provincial prestará asesoramento para a adquisición de material, mobiliario ou dispositivos, cos que reducir custes pola agua, luz ou calefacción, e fomentar unha economía sostible.
A sesión acordou a conta xustificativa dunha obra do Plan de Comunidades Veciñais, executada en Seixo, núcleo rural de Pedrafita do Cebreiro, dotada de 12.000 euros, financiados na súa totalidade pola Deputación.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
