Foz, 13 de setembro de 2013. O Ministerio de Educación y Cultura aportará 40.000 euros para comprar os terreos do Castro de Lelle, na parroquia focense de San Martiño. Anunciouno este venres o alcalde de Foz, Javier Jorge Castiñeira, quen lembrou que o Concello xa iniciou as negociacións cos propietarios das fincas onde se atopa ese xacemento que se pretende poñer en valor.
“Dende o grupo de goberno congratulámonos destas boas novas con respecto ao Castro de Lelle. Estamos moi contentos de que nos informaran desde o Ministerio de Educación y Cultura da axuda no financiamento para a compra dos terreos deste xacemento. É unha xestión que se iniciou xa hai tempo e concretamente o 13 de marzo nunha visita que fixen a Madrid, coa mediación do senador Xosé Manuel Barreiro, e do deputado mariñano Jaime de Olano, conseguimos que o Ministerio, co un por cento cultural, poida sufragar unha gran parte do custe dos terreos do Castro de Lelle”, comentou o rexedor municipal.
Javier Castiñeira explicou que “están iniciados os tratos cos propietarios, porque son terreos particulares, e tamén as xestións coa Consellería de Cultura, que tentará poñer en valor esa zona”. Pero “estamos pendentes da Deputación de Lugo, que aínda non quixo recibirnos e é a única administración que queda para que tamén colabore no financiamento da adquisición deste castro”.
A compra dos terreos onde está o xacemento “é moi importante, sería o primeiro paso. Hai un empeño importante por parte do grupo de goberno de Foz, polo que retomará as negociacións cos propietarios e trataremos de que nos próximos meses se faga efectiva esa compra”, manifestou o alcalde.
Castiñeira apela á responsabilidade dos dirixentes da Deputación Provincial de Lugo, que “de momento non quixeron nin tomar contacto con nós” e lembra que no caso da Xunta de Galicia “o propio conselleiro recibiunos e propuxo a posta en valor unha vez que os terreos sexan do Concello”.
O rexedor municipal considera que “os 40.000 euros do Ministerio de Educación y Cultura axudarán dunha forma importante ao financiamento e se o Concello ten que poñer algo así o fará. Pero cremos que sería lóxico que todas as administracións participaran para esa compra de terreos”.
Javier Castiñeira rematou agradecendo “a Xosé Manuel Barreiro, por interceder nestas nestas negociacións; ao ministro Wert, que tamén participou nesta decisión; e por suposto ao responsable da Dirección General de Bellas Artes, Jesús Prieto, que é o departamento encargado deste financiamento e vai ser o que o asuma co un por cento cultural”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
