SANTIAGO. A Federación Galega de Municipios e Provincias aprobou na mañá deste mércores un documento de propostas de modificación do proxecto de lei da reforma local, que o Goberno remitiu este mesmo mes ás Cortes para o seu trámite parlamentario. O texto é, unha vez máis, froito do acordo de todos os partidos políticos, e recolle tamén a esencia das propostas remitidas polos concellos galegos que quixeron participar neste proceso.
Estas emendas non terán un carácter xeral senón que se referirán a artigos concretos do texto legal, propoñendo modificacións de acordo cos criterios expresados pola Fegamp nas súas distintas resolucións. O acordo da Comisión Executiva é trasladar estas propostas aos distintos grupos parlamentarios en Congreso e Senado con representación en Galicia (PP, PSOE e BNG), á vez que se remitirán ás distintas forzas políticas do Parlamento autonómico.
Deste xeito, a Fegamp vólvese pór á cabeza do municipalismo en España, ao referendar publicamente unha postura moi crítica fronte á reforma local, co respaldo de todos os grupos políticos e o apoio unánime dos alcaldes e alcaldesas de Galicia. “Fixémolo coas alegacións que aprobamos en marzo e volvémolo a facer agora”, destacou José Manuel Rey Varela, presidente da Federación e alcalde de Ferrol, “a forza do municipalismo radica na unidade de acción e de mensaxe, e esa ten que ser nosa única folla de ruta”.
Para Rey Varela, “o acordo alcanzado non entende de cores políticas, senón que responde a unha inquietude real de todos os alcaldes, especialmente nos concellos pequenos, ante a perda de servizos aos seus veciños”. O presidente da Fegamp valorou moi positivamente “o espírito de consenso e a capacidade de diálogo” mostrada polo tres grupos políticos, “que nunca se rompeu desde que se iniciou todo o debate da reforma local”.
Os servizos xurídicos da Fegamp ultimarán nos próximos días algunhas precisións no texto acordadas polos voceiros e ratificadas pola Executiva, coa intención de que as propostas sexan remitidas ao Congreso con anterioridade ao día 24 de setembro, data na que finaliza o prazo de presentación de emendas.
As emendas inciden, entre outros aspectos, nas liñas vermellas expostas pola Fegamp desde o primeiro momento: o traspaso dos servizos sociais ás autonomías, o reforzo das deputacións provinciais en detrimento dos concellos pequenos, o mantemento das competencias educativas nos municipios e o aumento da intervención no goberno local por parte doutras administracións.
Asemblea extraordinaria
A Comisión Executiva tamén validou a proposta de José Manuel Rey de celebrar unha asemblea extraordinaria da Fegamp, aberta a todos os alcaldes e alcaldesas de Galicia, para o próximo 11 de outubro en Santiago de Compostela. “Queremos dar voz aos representantes electos de todos os cidadáns, que serva para que se escoite o profundo desencanto que esta reforma xera”, engadiu o presidente da Federación.
A celebración da asemblea o 11 de outubro cumpre coa esixencia estatutaria de dar unha marxe mínima de 20 días desde a súa convocatoria. Nos próximos días a Fegamp iniciará o proceso de convocatoria dos alcaldes e alcaldesas, así como a organización da asemblea, na que se poderán presentar propostas de resolución para o seu debate e posterior votación. Ademais, determinarase o lugar e hora desta reunión extraordinaria.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
