Lugo, 30 de setembro de 2013. A Universidade de Santiago, por medio do vicerreitor de Coordinación, Pedro García Herradón, e o grupo empresarial de subministros agrogandeiros Aresa, por voz do seu presidente, Álvaro Rodríguez Eiras, presentaron este luns as novas bases do Premio Aresa de Desenvolvemento Rural, que se renovan nesta XIV edición para axustarse á conxuntura económica actual.
A principal innovación desta edición é un cambio de orientación na procura de empresas e proxectos empresariais que destaquen pola súa viabilidade, pola creación de emprego e pola posta en valor dos produtos da terra. Para facer unha valoración ecuánime dos candidatos este ano formarase un comité de expertos que analizarán os tres rasgos principais para a valoración dos proxectos. Naturalmente, mantense o principal requisito para acceder ao premio, que se trate dun proxecto que mellore a calidade de vida e o benestar das persoas que viven e traballan no medio rural galego.
“Desde a súa orixe, este premio foi creado para favorecer o benestar das persoas que viven no rural e iso non queremos perdelo de vista”, explicou Álvaro Rodríguez Eiras, quen engadiu que “queremos con este cambio nas bases axudar a impulsar todas as iniciativas que hai actualmente neste ámbito, poñelas en valor e premiar a que se considere máis viable, xa que viabilidade é o que necesita a nosa economía actualmente”.
Pola súa banda, o vicerreitor de Coordinación e Planificación do campus de Lugo, Pedro García Herradón, sinalou que o Premio Aresa de Desenvolvemento Rural “constitúe un faro que alumea e incentiva novas ilusións no eido da investigación, o desenvolvemento e a innovación nos sectores agrario e gandeiro”.
Outro dos cambios desta edición será que as candidaturas faranse públicas (a no ser que o candidato exprese o seu desexo concreto de privacidade) co obxectivo de dar a coñecer aos medios de comunicación os proxectos que hai en marcha en Galicia para que podan conseguir o respaldo doutras empresas ou institucións. Un xeito de dar a coñecer esta iniciativa é a posta en marcha dunha páxina na rede social Facebook (https://www.facebook.com/Premio.Aresa) na que poderán consultarse os proxectos que se vaian presentando, así como as distintas particularidades do Premio.
O premio acollerá, dous tipos máis de candidaturas: empresas en calquera das súas fases de desenvolvemento e traballos de I+D+i. As propostas, como sempre, poden facerse en nome propio ou no nome doutros, do mesmo xeito que o tribunal se reserva a opción de presentar propostas alternativas.
Nesta ocasión o prazo de presentación de candidaturas rematará o 15 de novembro e a elección do gañador realizarase no mes de decembro, como ven sendo habitual, antes do Nadal. O ámbito de actuación ábrese a toda Galicia e durante este días invitarase a participar no Premio Aresa mediante carta a todas as empresas e institucións vinculadas co emprendemento e a investigación no sector agrogandeiro galego.
A contía do premio segue a ser de 10.000 euros, o que converte a esta convocatoria nunha das máis relevantes do sector. Este ano, ademais, ofrecerase a posibilidade á empresa gañadora de solicitar asesoramento e axuda para o desenvolvemento do proxecto.
García Herradón salientou que a preocupación polo medio rural e polo seu progresivo desenvolvemento, o obxectivo que impulsou o nacemento deste galardón, “constitúe un horizonte que permanece intacto nesta nova convocatoria, na que o Premio Aresa de Desenvolvemento Rural tamén permanecerá atenta a aquelas iniciativas e ideas encamiñadas a reportar valor engadido aos produtos da terra”.
Pola súa banda, Álvaro Rodríguez Eiras, animou a todos a participar neste premio para dar relevancia á actividade investigadora e empresarial vinculada ao eido rural, “que segue a ser un pilar fundamental para a economía galega”.
Premiados nas edicións anteriores
Na traxectoria deste galardón, creado no ano 2000 e que acadou un recoñecido prestixio no sector, figuran premiados como o profesor da USC Javier Guitián (en 2001, polo seu estudo sobre os valores biolóxicos da Serra do Courel), a Aula de Produtos Lácteos (ano 2002) ou a Facultade de Veterinaria (2008). Fóra do ámbito universitario, outros gañadores do premio foron a industria cárnica Novafrigsa (2000), a IXP Ternera Gallega (2004), o programa de TVG ‘O Agro’ (2005), a D.O. Ribeira Sacra (2006), a empresa Ingapán (2009) ou a Asociación de Criadores de Rubia Galega – Acruga (2010).
A título individual tamén recibiron este recoñecemento o director xeral de Agricultura da Comisión Europea, o lucense Xosé Manuel Rodríguez Silva (2003), e os impulsores da queixería Casa Macán (2007). Na edición de 2011 premiouse a Sociedade Agraria de Transformación ‘Montes de Trabada’. O último premio recaeu sobre a empresa Champivil, unha sociedade familiar fundada en Vilalba e dedicada á elaboración e comercialización dun amplo abano de produtos agroalimentarios.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
