Actividades na biblioteca de Foz

A Biblioteca Municipal de Foz da a coñecer a súa programación para este outono. O venres 4 de outubro será a quenda da obra de títeres de luvas tradicionais da man de Títeres Cascanueces, Un diaño na maleta, para maiores de 3 anos. O venres 25 de outubro Sherezade ofrecerá o espectáculo ‘Onde viven os monstros’ a partir das 18.30 horas para nenos e nenas de 3 a 9 anos. Por outra banda, o domingo 17 de novembro ás 20.30 horas Fantoches BAJ poñerán enriba do escenario “As pombas de carboeiro”, un espectáculo de narración oral e música en directo coa técnica xaponesa do Kamishibai para rapaces e rapazas a partir de 12 anos e para adultos. Ademais, convocará o XII Concurso de Postais de Nadal e o Certame de Poesía Nadal 2013.