Ribadeo, 18 de setembro de 2013. Ata o 24 de setembro está aberta na sala de exposicións da antiga oficina de turismo a exposición de pintura afeccionada na que se poden ver as obras realizadas por 14 mulleres e 2 homes de Ribadeo. A mostra foi inaugurada na tarde de onte pola concelleira de Cultura, Mariluz Álvarez Lastra.
A edil nacionalista sinalou que “ata o 24 deste mes todas as persoas que queiran poden contemplar na sala de exposicións da antiga oficina de turismo o traballo dos pintores e pintoras afeccionados da nosa vila, homes e mulleres que ao longo de todo o ano van a clases, participan e comparten o seu gusto pola pintura”.
Álvarez Lastra indicou que “son pintores e pintoras afeccionadas, entre comiñas, porque unha vez que vemos as obras pouco a pouco se van convertendo en profesionais e non teñen nada que envexar a outras persoas que se dedican ao mundo artístico”. Os artistas que expoñen os seus traballos en Ribadeo son: Amparo Muruais, Betty Sing, Digna Rañón, Covadonga Chaso, Nieves González, Pancho Campos, Lola García, Maruja Andina, Mery Castro, Antonio Saavedra, Rosario Pelegrín, Luisa Braña, María Trabada, Mª Carmen Maseda, Carmen López e Sara Rodríguez.
A concelleira de Cultura tivo palabras de agradecemento “para o voso traballo e a vosa disposición para cedernos as vosas obras e que poidan estar aquí, completando así un pouco máis a programación cultural do Concello de Ribadeo. Sempre tivemos a idea de traer cousas de fora, como non podía ser doutra maneira, pero tamén de potenciar aos artistas locais. Vós sodes artistas nunha faceta que vos gusta, dedicades o voso tempo libre e de ocio a el e queremos agradecervos ese traballo e que agora estes días todo o mundo poida contemplalo nestas instalacións. Agradecer desde a xente máis noviña, como Sara, a outras persoas que levan máis tempo metidas na pintura”.
Mariluz Álvarez Lastra engadiu “agradecemento non só por cedernos a obra, senón por colaborar con nós no seu coidado porque ás veces facer as exposicións ten a contrapartida de que hai que mantelas abertas, evidentemente, e nós poñemos todo da nosa parte, pero tamén necesitamos da vosa colaboración para que os custes económicas sexan os menores. É unha maneira altruísta e voluntaria de colaborar no seu coidado e na apertura da sala durante estes días de setembro”. E rematou a súa intervención convidando “a toda a xente de Ribadeo e aos que nos visitan estes días a que se acheguen a contemplar esta exposición”.
A mostra de pintura afeccionada pode visitarse na sala do parque de San Francisco ata o vindeiro 24 de setembro de 12 a 14 horas e de 19 a 21 horas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
