De Burela á Ribeira Sacra

Este sábado os sendeiristas de Pasada das Cabras de Burela desprazáronse ata a localidade de Sober para realizar a ruta dos viñedos da Ribeira Sacra. Iniciaron a súa andaina en Rosende e deseguido atoparon os viñedos de uva mencía cos que se elabora o viño D.O. Ribeira Sacra, xa degustado en época romana. Pasaron por Areas, Portizó e Hortas onde abundan as construcións tradicionais. En Nogueira puideron ver un peñasco cun conxunto de gravados prehistóricos (petroglifos). Para finalizar chegaron ao arroxo do Xabrega, onde puideron visitar un conxunto de muíños perfectamente restaurados e que no seu momento, contou con 28 muíños nun recorrido de 1200 m. Todos os participantes regresaron a Burela comentando a beleza da ruta, especialmente os tramos das bancadas dos viñedos e o percorrido final polos muíños.