Lourenzá, 16 de setembro de 2013. Emma Álvarez Chao fixo este luns balance do seu primeiro ano na Alcaldía, que se cumpriu este domingo, día 15 de setembro. Destes doce meses destaca a promoción da actividade que levan a cabo colectivos no municipio, como a renovada asociación de comerciantes, industriais e autónomos, a creación dunha asociación de sendeirismo ou os pasos dados para a constitución da cooperativa comercializadora de faba de Lourenzá. Tamén salientou obras executadas ou que están en marcha, como a reparación da fachada da igrexa de San Salvador, a rehabilitación do Pazo de Tovar, o arranxo da estrada coñecida como Camiño A ou o acondicionamento da avenida de Soutelo, entre outras. Ademais fixo referencia a xestións levadas a cabo e que darán os seus froitos en breve.
“Parece que foi onte, pero precisamente onte fixo un ano dende que o pasado 15 de setembro de 2012 tomara posesión como alcaldesa neste concello que me viu nacer. Foi un cometido novo para o cal non me sentía preparada, pero traballei con entusiasmo para e por Lourenzá e os laurentinos. Mostra disto foron os froitos de distintas xestións que algunhas xa viron a luz e outras están a piques de executarse”, manifestou esta mañá a alcaldesa. Tamén comentou que dende que está ao fronte do goberno municipal tratou sempre de “fomentar a unión entre os veciños e os distintos sectores do concello: primeiramente, logo dunha reunión con comerciantes e autónomos do concello, saíu adiante unha ACIAL renovada e activa, logo de dimitir meses atrás os seus representantes; tamén se creou unha asociación de sendeirismo, Terras de Lourenzá, para a cal o Concello presta o seu apoio; e do que máis orgullosa me sinto é dos pequenos pero firmes pasos que se están a dar en prol de crear unha cooperativa comercializadora de faba de Lourenzá, froito das miñas xestións coas consellerías de Traballo e de Medio Rural”.
Emma Álvarez engadiu que “froito tamén de distintas reunións con responsables da Xunta de Galicia, mesmo co presidente, fixéronse distintas actuacións: reparouse a ponte de Sendín sobre o río Baos, onde Augas de Galicia investiu máis de 47.000 euros no Camiño A, á espera agora de que a Deputación acepte o traspaso da súa titularidade; están a piques de culminar as obras no Pazo de Tovar, a primeira fase que levou adiante a Consellería de Cultura destinando no ano 2011 un investimento de 360.000 euros, froito dunha iniciativa que eu mesma presentei no Parlamento de Galicia e que viña a culminar o que os dous alcaldes que me precederon, tanto Vidal como Fe, pretenderon nos seus mandatos e, por mor primeiro da propiedade e doutros atrancos despois, non vira a luz ata o de agora; tamén, a través dunha subvención que pediu o Concello, se están a acabar as obras do Centro de Interpretación da Cultura dos Pazos en Tovar, cun investimento de 135.720 euros, do cal o 70 por cento procede do Agader e o resto póñeno o propietario e o Concello con fondos propios; precisamente estes días está a exposición pública o proxecto de delimitación do Camiño Norte, que froito de investigacións históricas propón unha variante que pase a carón deste pazo, o que axudará a por en valor este investimento e tamén servirá para que se coñeza o noso fértil e fermoso val”.
A rexedora municipal referiuse tamén a actuación da Consellería de Cultura para a rehabilitación da fachada da igrexa de San Salvador, “á cal se lle encontrou un defecto na construción e agora estamos en condicións de asumir, por parte do Concello e da diocese, a limpeza da fachada e a colocación dun sistema que permita reducir o número de pombas e desta maneira previr un futuro deterioro da fachada a consecuencia dos seus excrementos”. Ademais comentou que “neste momento dende a Consellería de Medio Ambiente estase a arranxar a avenida de Soutelo, dándolle así un mellor acceso ao Ceip Juan Rey, no cal a Consellería de Educación está a construír un ascensor para darlle accesibilidade ao centro, cumprindo así a promesa que o presidente da Xunta me trasladou na reunión que mantivemos o 7 de decembro do ano pasado. Tamén no colexio a principios de ano, con fondos propios, o Concello adaptou un baño para discapacitados”.
A alcaldesa salientou tamén que “froito de distintas axudas da Consellería de Industria neste intre estamos cambiando dous alumeados públicos, que nos permitirán reducir o gasto de luz mediante o aforro enerxético, e tamén temos en marcha a colocación de cámaras de vixilancia no polígono industrial e no punto limpo do Concello. Agardamos que sexa concedida a subvención para adaptar as instalacións do mercado gandeiro a un local multiusos. Por outro lado investimos 83.398 euros en repoñer o firme de distintos viarios con fondos propios, da Deputación e a maior parte da Consellería de Medio Rural da Xunta de Galicia. E seguiremos apostando nesta liña, posto que aínda queda moito por facer. Tamén desbrozamos 50 quilómetros de pistas forestais e neste intre estanse a desbrozar 5 hectáreas de terreos públicos en aras de protexer os núcleos rurais fronte aos incendios forestais. Conveniar coa Xunta a brigada de prevención e extinción e tamén a posta a disposición do distrito da motobomba municipal permitiunos contratar a 8 persoas, axudando así a reducir a lista do paro no noso concello”.
Ademais Álvarez Chao anunciou que o Concello “está a piques de asinar un convenio coa Consellería de Medio Ambiente para facer unha ruta de sendeirismo, que será circular saíndo dende o Cantón e así permitirá coñecer unha boa parte dos atractivos históricos, patrimoniais, naturais e etnográficos do noso concello, mediante a cal tamén se vai recuperar a ponte do Xuncal e unir cun paseo ata o muíño do Pereiro. A Consellería de Medio Rural está facendo os trámites oportunos para acometer as obras na ponte de Gallardo sobre o río Batán, que sufre riscos de derrubamento. Tamén estamos a piques de asinar un convenio coa Secretaría Xeral para o Deporte para rematar as obras de acondicionamento do campo de fútbol”.
Para concluír a rexedora destacou que o Concello fixo esta labor “mantendo, incluso mellorando nalgún caso, todos os servizos que presta o Concello, como son a dependencia, a axuda no fogar, o taller de memoria, o banco de alimentos, o roupeiro municipal, mesmo ampliamos o horario de atención ao público para facernos máis próximos ao cidadán. Foi un ano de moito traballo, moi intenso, que comezou coa preparación da pasada edición da Festa da Faba e que remata cun balance positivo, xa que se actuou en todos os ámbitos sociais e sectoriais do concello. Destacar o apoio da Xunta de Galicia, dos meus compañeiros de goberno e denunciar, unha vez máis, o sectarismo político que estamos a sufrir coa Deputación de Lugo, que nin tan sequera foi quen de oír as nosas demandas nalgúns dos casos, como por exemplo as obras que vamos acometer no campo de fútbol, pese a ser o deputado de área da nosa comarca”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
