Demasiado castigo sufriu esta tarde o Burela FS Pescados Rubén na visita do xigante ElPozo Murcia (0-4) á Mariña, nun encontro no que a efectividade dos levantinos tivo máis peso que a ofensiva dos locais.
Empezaba con garra e sen nervios o Burela FS Pescados Rubén. Xa no primeiro minuto de xogo Matamoros buscaba sorprender a Fabio cun disparo alto e rozando o 3 volvían á carga Mata e Hugo, nunha ardua pelexa na área visitante. Con todo, o perigo murciano non se fixo esperar demasiado. ElPozo tivo unha oportunidade de ouro a balón parado, no minuto 5, tras amarela a Iago Míguez; o lanzamento de Gréllo pegou en Bebe e saíu desviado; Raúl Campos tamén quixo poñer en apuros a Edu, recollendo o pase de Miguelín con elaboración de José Ruiz. Á terceira foi a vencida; a escuadra de Duda conseguiu bater a meta mariñá no minuto 7 cun contragolpe xestado no seu campo que culminou José Ruiz, tras unha serie de rexeitamentos baixo os paus laranxas. Pouco segundos despois Matamoros evitou que os visitantes ampliasen a distancia, despexando o esférico a piques de cruzar a liña.
A falta de tres minutos para o descanso, Mata acariñou o pau en disparo raso, logo de superar a defensa rival. Volveron intentalo os laranxas; malia que Bebe esmagou a Antoñito para frear o perigo burelista, Mimi puido rescatar o balón, a piques de entrar con el de cabeza na meta murciana. A recta final da primeira parte foi para os de Juanlu, con asedio sen tregua, pero a fortuna non estivo do lado de Vista Alegre; Hugo, por partida dobre, e Mata desaproveitaron os últimos cartuchos antes do descanso.
A segunda parte comezou costa arriba para os burelistas; cando apenas ían 40 segundos, Lolo Suazo subiu o 0-2 para ElPozo nun lanzamento limpo que se introduciu na rede por encima de Edu. A partir de aí, o traballo ofensivo recaeu nos da Mariña. Antoñito liderou a reacción dos mariñáns para intentar reducir as distancias; o dorsal 23 dispuxo de tres ocasiones marabillosas en tan só dous minutos, antes do 23, con Fabio como obstáculo nas dúas primeiras e a portería como repelente na terceira. Non baixaron os brazos os galegos, firmes en ataque, aínda que sen acerto na finalización. Tras o mísil de Burrito interceptado por Fabio no 28, tamén tivo traballo Edu, que desarmou a Raúl Campos, fronte a fronte, superado o ecuador do segundo período. O tándem Hugo-Mata reapareceu no 35; o internacional culminou unha xogada que volveu acariñar o pau. A falta de pouco máis de catro minutos, Mimi abandeirou o xogo de cinco para Burela FS en busca da remontada. Cando parecía que xa se podía celebrar o gol laranxa, Fabio converteuse no protagonista do 0-3 murciano logo de que a defensa tombara a Antoñito nunha magnífica ocasión laranxa na área de ElPozo. Con protesta xeneralizada na bancada, o 0-4 final chegou grazas a Miguelín no último minuto, asistido por Gréllo.
Ficha técnica
Burela FS Pescados Rubén: Edu, Isi, Hugo, Matamoros e Antoñito, quinteto inicial; tamén xogaron David ‘Burrito’, Mimi, Juanma, Iago Míguez, Christian.
ElPozo Murcia FS: Fabio, Juampi, Lolo Suazo, Bebe e Álex, quinteto inicial; tamén xogaron Miguelín, Gréllo, Raúl Campos, José Ruiz, Jesús
Goles: 0-1, minuto 7, José Ruiz; 0-2, minuto 21, Lolo Suazo; 0-3, minuto 37, Fabio; 0-4, minuto 39, Miguelín
Árbitros: Contreras Tejedor // Pérez Álvarez (Castela e León)
Tarxetas: Por Burela FS amarela a Iago Míguez (minuto 5), Hugo (minuto 20), Matamoros (minuto 23), Mimi (minuto 26). Por ElPozo amarela a Bebe (minuto 17)
Incidencias: Partido correspondente á terceira xornada de Primeira División LNFS disputado en Vista Alegre. Xogadores de Burela FS e ElPozo Murcia posaron xunto a Sofía Méndez, representante da Asociación Piel de Mariposa (DEBRA España), coincidindo coa Fila 0 habilitada no pavillón para devandito colectivo. Antes do asubío inicial gardouse un minuto de silencio polo falecemento de Raquel González, irmá do porteiro laranxa Álex. Arredor de 1200 afeccionados/as.
*Foto: A Caixa Escura Producións
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
