O Burela FS Pescados Rubén conseguiu a primeira vitoria da liga esta tarde na visita á pista do novel Valdetires Ferrol FSF. Na segunda xornada, con ambiente de derbi autonómico, as pupilas de Quico Otero fixeron valer a súa experiencia na categoría para dominar o xogo e o electrónico, con hat-trick de Lidia Mesías. Co 2-4 a favor, o cadro laranxa xa suma 4 puntos.
Malia xerar ocasións desde o inicio, as laranxas viron como o Valdetires foi o primeiro en atopar a portería rival, no minuto 10, a balón parado. Pouco lles durou a alegría ás locais; cun preciso lanzamento desde fóra da área, a capitá burelista empatou no 12 e un minuto despois volveu facer gala do seu olfato goleador coando polo medio, entre a defensa, un disparo afastado. Con 1-3 e o paso dos minutos, a escuadra mariñá foi gañando en control, sen sufrir perigo sobre a súa área.
Tras o descanso, as laranxas tiveron que aplicarse máis en defensa debido a certas faltas de entendemento. Precisamente nun erro de pase chegou o empate 2-2 para as ferrolás, aproveitado por Erika (minuto 24). Pero esta era a tarde da capitá, que culminou unha excelente condución de Maite pola banda (minuto 28). O tanto da tranquilidade, 2-4, foi autoría de Lara, nun pase ao segundo pau tamén desde o lateral (minuto 34). Na recta final, as mariñás souberon marcar os tempos para garantirse os ansiados tres puntos.
Novo derbi. O vindeiro sábado o Burela FS Pescados Rubén estreará derbi galego na casa, coa visita do Cidade das Burgas, o sábado 5, ás 18.30 horas.
Ficha técnica
Valdetires Ferrol FS: Iria, Melissa, Carolina, María e Erik, quinteto inicial; tamén xogaron Tere, Jessica, Andrea, Diana e Alejandra
Burela FS Pescados Rubén: Patri, Peque, Maite, Bea Mateos e Lidia Mesías, quinteto inicial; tamén xogaron Claudia e Lara
Goles: 1-0, minuto 10, Erika; 1-1, minuto 12, Lidia Mesías; 1-2, minuto 13, Lidia Mesías; 2-2, minuto 24, Erika; 2-3, minuto 28, Lidia Mesías; 2-4, minuto 34, Lara
Árbitros: Roberto Aitor Vizoso // Rodrigo Fernándeaz Pita (Ferrol)
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
