O Burela FS Pescados Rubén superou onte o primeiro obstáculo da Copa Galicia 2013, impoñéndose na fase de grupos ao Poio Pescamar FS (1-3), equipo que se estreará en 2013-14 na máxima categoría como rival das laranxas.
As pupilas de Quico Otero levaron o ritmo do partido e do electrónico, aínda que precisaron do paso dos minutos para serenarse sobre a pista. “Creo que fomos superiores ao longo dos 40 minutos, aínda que a primeira parte estivo máis igualada; saímos moi precipitadas e custounos superar na saída de balón ante un conxunto aguerrido. No entanto, pouco a pouco fomos mellorando” analizaba Quico Otero. A pesar do dominio laranxa o gol fíxose esperar ata o minuto 17, obra de Maite. Tras o descanso, Lidia transformou o 0-2, no 29, e Bea Mateos sentenciou practicamente o encontro, no 31. A falta de pouco máis de tres minutos para o asubío final, as pontevedresas reduciron lixeiramente a desvantaxe, 1-3, sen alternativa para máis.
“Medímonos a un equipo con moita ilusión, agresividade e ganas de facelo ben. Sen dúbida, na súa pista vai complicar a calquera rival, non hai máis que fixarse na vitoria de hai uns días ante o Ponte Ourense (5-2)”, destacaba o técnico laranxa.
Tras a agardada Supercopa de Estaña, que o Burela FS disputará o 8 e 14 de setembro co Atlético de Madrid Navalcarnero, volverá a Copa Galicia. Comarcal A Fervenza, de Segunda División, será o último obstáculo na fase de grupos para as mariñás; o Pescados Rubén recibirá as ferrolás o martes 17, ás 20.30 horas, en Vista Alegre.
Ficha técnica
Poio Pescamar FS: Silvia, Elena, Cecilia, Claudia e Rosario, no cinco inicial; tamén xogaron Yolanda, Ana, Lucía
Burela FS Pescados Rubén: Patri, Bea Mateos, Maite, Peque e Lidia, no cinco inicial; tamén xogaron Claudia, Silvia e Lara
Goles: 0-1, minuto 17; 0-2, minuto 29, Lidia; 0-3, minuto 31, Bea Mateos; 1-3, minuto 36, Elena
Árbitros: Delmiro Araújo Vázquez e Héctor Vilas López (Ourense).
Amoestacións: Amarelas a Ana, polo Poio, e Maite, polo Burela FS
Incidencias: Partido do Grupo B da Copa Galicia 2013, municipal de Poio.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
