Primeiramente cumpre salientar que a preocupación do noso Grupo pola degradación da praia de As Catedrais e do seu entorno non é algo novo, proba diso é que este xa foi un tema que recollía o noso programa electoral, e que fpmos nós, o GM do PP, os que no mes de setembro de 2011, apenas catro meses despois das eleccións, presentamos no rexistro do Concello unha Moción instando da Corporación Municipal a adopción dun acordo para dotar a Praia e o seu entorno dun plan de usos e de xestión que garantira o equilibrio entre a protección do medio e o uso e disfrute polos cidadáns. Moción que, a pesares dos insistentes requirimentos do noso Grupo, segue no caixón dos ouvidos do Concello a espera de seres tramitada.
Fronte a estas actuacións concretas do noso Grupo, xa lonxanas no tempo, houbo que esperar preto de dous anos para que o noso Alcalde e o seu equipo de goberno se decataren de que “AS CATEDRAIS EXISTEN E PRECISAN DE MEDIDAS DE PROTECCIÓN URXENTE”… ben…, semellante preocupación sería benvida senón fora porque ven dun Alcalde que leva gobernando o Concello de Ribadeo os últimos dez anos, os catro primeiros en coalición con PSOE, os seguintes catro xa con maioría simple, e finalmente, os dous que levamos desta lexislatura con maioría absoluta ¿acaso entón non existían As Catedrais…? ¿acaso entón non precisaban de protección?… pois si, xa entón existían e xa entón necesitaban de protección, o que non existía era a necesidade dun Alcalde, que falto de resultados positivos que transmitir á cidadanía sobre a súa xestión ao fronte do goberno municipal, precisa acudir a verbas propagandísticas, demagóxicas e valeiras de contido…
Ante a teimuda insistencia do Alcalde de Ribadeo, reflectida un día si e outro tamén nos medios, de solicitar da Xunta de Galicia a declaración da Praia de As Catedrais e o seu entorno como Parque Natural como si fora esta a única vía para acadar unha solución que garanta o desenvolvemento sostible do medio e o seu entorno, dende o GM do PP lle propuxemos que, sen rexeitar a súa iniciativa, a deixara sobre a mesa, condicionando o seu debate a previa posta en coñecemento dos veciños e veciñas de cales son os inconvenientes e as vantaxes desta declaración… acaso ¿coñecen os veciños cal vai a ser a superficie de territorio incluída no Parque Natural? NON. ¿Informóuselles de cales son as propiedades que van quedar incluídas no Parque Natural e cales non? NON. ¿Saben cales son as repercusións para as súas propiedades? NON. ¿Explicóuselles cales van a ser os usos permitidos e cales non? NON. ¿Saben os veciños cuxas propiedades vense directamente afectadas si van a ser ou non indemnizados pola limitación dos usos..? NON. ¿ Coñecen os veciños cal vai a ser a repercusión económica para o Concello deste Procedemento? NON…
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
