A Deputación de Lugo está a colleitar o éxito adoitado coa iniciativa Termalismo no Camiño, nacida co obxectivo de potenciar o turismo no Camiño de Santiago e a economía medioambiental a través da riqueza termal da provincia. Xa son máis de 600 os lucenses que teñen accederán ós centros termais situados ó pe das rutas xacobeas dos Camiños Primitivo, Norte, Francés e de Inverno dende o mes de setembro ata finais de ano. A demanda foi tal que nalgún dos balnearios incluídos neste programa víronse na obriga de aumentar as prazas previstas nun principio para poder dar resposta ó número de solicitudes achegadas.
A institución provincial ofrece un total de 1.200 prazas para os maiores de 50 anos, coas que estes poden acceder a importantes descontos en estancias e tratamentos de saúde ofrecidos nos balnearios de Augas Santas, Río Pambre, Romano de Lugo e Guitiriz, co fin de mellorar a súa calidade de vida e potenciar a dimensión económica medioambiental da provincia, en particular das súas augas mineromedicinais.
Potenciar un sector clave
Tal e como destacou o Presidente da institución provincial, José Ramón Gómez Besteiro, tendo en conta que “o sector do turismo arroxa cifras moi positivas no 2013, coma as preto de 150.000 persoas que cada ano visitan Galicia para beneficiarse da súa riqueza mineromedicinal, xa que conta con sete dos oito tipos de augas medicinais que existen, e que xeran unha facturación anual para o sector duns 126 millóns de euros”, xunto co feito de que Lugo conte con balnearios situados o pé dos 800 quilómetros de rutas xacobeas que discurren polo seu territorio, “converten á provincia nun destino de indubidable interese para este tipo de turismo desestacionalizado, tanto a nivel nacional coma internacional”. Hai que destacar, ademais, que os balnearios son exemplo de modelo de empresa sostible, garantindo o futuro do recurso e fixando poboación grazas a creación de emprego local.
Ata o 31 de decembro
O plan Termalismo no Camiño está dirixido a maiores de 50 anos que poderán aproveitar descontos ata o 31 de decembro nos seguintes paquetes:
– 6 días con 5 noites de estancia
– 5 pensións completas
– Día de entrada (domingo): incluído cea e aloxamento
– Día de saída (venres): incluídos almorzo e comida
– 8 técnicas de balneario
– 1 recoñecemento médico á chegada
– De luns a xoves: programa de animación sociocultural
Inscricións
O prazo para presentar as solicitudes continúa aberto ata finais de ano. Só se aceptarán as inscricións realizadas polas persoas interesadas, sen delegar en Concellos ou entidades, presentando no Rexistro Xeral da Deputación a documentación que se pode obter da páxina web www.deputacionlugo.org, xunto cun certificado de empadroamento e unha fotocopia do DNI.
Unha vez seleccionados os propios participantes, ou ben familiares directos, deberán recoller na Deputación, no Servizo de Relacións Institucionais, os bonos que presentaran no balneario seleccionado. Estes bonos tampouco se entregarán a ningún representante de Concellos, asociacións ou calquera tipo de entidade allea.
Máis información: 982 260 075
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
