A Asociación Cultural A Pomba do Arco vai por en marcha un ambicioso proxecto lúdico cultural co título “Descubre Galiza. Viaxa con nos pola historia, a cultura e a xeografía do país” e que pretende dar a coñecer Galiza desde diferentes esferas ao conxunto dos veciños da Mariña e moi particularmente aos veciños de Foz.
“Tal como recollemos no nome do proxecto o que se pretende é descubrir Galiza ao conxunto da sociedade, Galiza como realidade histórica, como colectividade capaz de crear unha cultura propia e tamén unha realidade xeográfica que descoñecemos. A esa aventura apaixonante queremos convidar a todas as persoas interesadas na historia de Galiza e en descubrir a nosa xeografía. Para participar nesta actividade é preciso chamar ao número de telefono 606-630-113. O prazo de inscrición remata o 28 de Outubro” afirmou Fernández Pacios.
Esta actividade que propón a Pomba do Arco vai se articular da seguinte maneira: Unha charla sobre un período histórico en concreto, lectura de textos relativos á época explicada e unha posterior excursión a un lugar vinculado co tema explicado. Dividimos a actividade en cinco períodos: Idade Antiga, a Alta Idade Media, a Baixa Idade Media, a Idade Moderna e a Idade Contemporánea.
Abordaremos temas coma o Castrexo, a Romanización, o Reino, o Priscilianismo, os Suevos, os Irmandiños, Pardo de Cela, os Séculos Escuros, a Colonización, os Provincialistas, Rosalía de Castro, Curros Henríquez ou Manuel María, non esquecendo períodos artísticos coma o Románicos ou Barroco.
Convén explicar que estamos ante unha actividade con carácter divulgador, sen chegar a afondar no tema, que pretende dar a coñecer a nosa historia, xeografía, arte e literatura e ao mesmo tempo visitar os lugares que tiveron un significado especial na historia de Galiza.
Fernández Pacios indicou que “ a actividade dará comezo no mes de Novembro, por iso damos de prazo o mes de outubro para apuntarse. Comezaremos pola Idade Antiga, componse a actividade dunha charla impartida polo profesor Marcos Loureiro, encargado de impartir o curso, continuará coa lectura das páxinas do libro de Anselmo López Carreira que toca este período e rematará cunha excursión ata o Castro de Vilalonga, ao recinto de culto Priscilianista de Santalla de Bóveda do século IV e á Casa Museo de Manuel María.
A segunda das sesións desenvolverase no mes de Xaneiro, nesta falarásenos do período Suevo, da figura de San Rosendo e das orixes do Reino de Galiza e posteriormente visitaremos a Igrexa sueva de Santa Comba de Bande (S VI), o Mosteiro de Celanova tan vinculado a San Rosendo, Bispo e rematará na Casa dos Poetas de Celanova, arredor de Curros e Celso Emilio. A idea e que canda unha das sesións se desenvolva cada dous meses”.
A Pomba do Arco acaba de abrir o prazo de inscrición para esta actividade recordando que as prazas son limitadas a 40 persoas e lembrando a todos os interesados en participar que se anoten no teléfono:606-630-113 antes do 28 de outubro.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A semifinal do Mundial poderá seguirse este martes ás 21.00 horas na Praza Maior.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
