O Vicedo, 3 de outubro de 2013.- A delegada territorial da Xunta, Raquel Arias, visitou este xoves no Vicedo as obras de mellora da canalización no casco urbano da vila, unha actuación realizada con cargo ao Fondo de Compensación Ambiental posto en marcha polo actual Executivo galego e destinado aos concellos que soportan o impacto de toda ou parte das instalacións de parques eólicos.
A delegada territorial resaltou o “impulso para a modernización das dotacións dos concellos” que promove a Xunta a través dos fondos de compensación. Así, subliñou que este ano executaranse na Mariña investimentos por valor de 943.429,26 euros, por dispoñer no territorio de 98,1quilómetros de liñas evacuadoras e 521 aeroxeneradores.
O Fondo de Compensación Ambiental, explicou, “permite aos concellos a realización de gastos que revistan natureza produtiva e xeradora de emprego” e “chegan a todos os concellos cuxo territorio municipal estea dentro da delimitación dun parque eólico e, igualmente, aos afectados pola correspondente instalación de conexión ou vía de evacuación”.
No caso concreto do Vicedo, recibiu este ano unha partida de 134.325 euros destinada a diversas actuacións medioambientais. Así, o concello dedicou máis de 64.000 euros á contratación de dez traballadores para o servizo de medio ambiente durante o verán, que realizaron tarefas relacionadas coa biodiversidade, os recursos naturais e a recuperación do medio natural.
Acompañada polo alcalde do Vicedo, Jesús Novo Martínez, a delegada supervisou os traballos que se acometen na actualidade, que consisten na substitución da antiga tubaria de fibrocemento por outra máis moderna de polietileno na canalización da Travesía da Mariña, proxecto que ascende a 70.000 euros.
Deste xeito, apuntou, “actualízase esta instalación aos requirimentos actuais de distribución de auga potable, dotando de tubaria de polietileno de alta densidade a este tramo de algo máis de 1 quilómetro da rede de distribución”. A obra contempla tamén a substitución das aceras e as infraestructuras afectadas pola obra.
A delegada lembrou que mediante o Fondo de Compensación Ambiental a Xunta leva investidos nos dous últimos exercicios 209.400 euros na mellora da rede de abastecemento do municipio, xa que hai uns meses remataron as obras de canalización aos núcleos de Morgallón, Creximil e Monte Insua. “Nos últimos catro anos –informou Arias- o concello recibiu un total de 720.009,51 euros do fondo de compensación para distintas iniciativas”.
Orientación dos proxectos
Raquel Arias subliñou que o fondo de compensación ambiental reflicte un triplo compromiso da Xunta cos concellos, e moi especialmente coas zonas rurais. En primeiro lugar, co medio ambiente, “xa que sufraga actuacións que redundan directamente na mellora do medio natural e na súa conservación”; en segundo lugar, coas facendas locais, “xa que representa un importante ingreso para os concellos, especialmente no momento actual”, e por último, co reequilibrio territorial, “dado que a maioría dos concellos beneficiados atópanse en zonas rurais da comunidade galega”.
Os proxectos a executar polos concellos deberán estar orientados á conservación da biodiversidade, ao coñecemento e utilización recreativa e didáctica dos recursos naturais, á recuperación do medio natural degradado ou contaminado, ao impulso da eficiencia enerxética ou, en xeral, á protección do ambiente e do espazo natural.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
