Santiago de Compostela, 03 de outubro de 13. A deputada socialista Marisol Soneira advertiulle este xoves á Xunta que “ou cambia o modelo e busca aliados e socios ou a este paso a flota galega vai desaparecer de tódolos caladoiros internacionais”. Así o dixo no debate dunha pregunta oral na Comisión de Asuntos Europeos do Parlamento de Galicia sobre o acordo pesqueiro da UE con Mauritania.
Soneira advertiu que a ratificación deste acordo polo Parlamento Europeo suporá a virtual desaparición da flota cefalopodeira galega, mentres o goberno central “busca que sexa aprobado aínda que sexa co voto en contra dos deputados españois”. Así o dixo logo de sinalar que, malia que prexudica seriamente aos cefalopodeiros, “hai sectores e comunidades autónomas que saen beneficiadas”.
Reclamoulle así ao goberno galego que busque unha posición de forza a través de alianzas con outras comunidades autónomas con sectores tamén afectados polo acordo, como é o caso de Canarias.
Soneira sinalou que o eurodeputado galego Antolín Sánchez Presedo xa ten anunciado o seu voto en contra deste acordo, xunto cos eurodeputados de Canarias, e preguntoulle ao PP si os seus representantes no Parlamento Europeo, maioritariamente composto por deputados conservadores, van ratificar o acordo.
A deputada socialista criticou que a realidade detrás das condicións prexudiciais impostas para os cefalopodeiros galegos é que Mauritania ten atendido aos intereses doutros países como China. Criticou que os galegos sexan expulsados do caladoiro mentres a UE importa contedores de polbo de Mauritania.
Tailandia
A parlamentaria socialista presentou tamén hoxe unha pregunta ao goberno galego na que lle reclamou que explique as xestións diante do eventual asinamento dun acordo de libre comercio con Tailandia, en contra dos intereses dos conserveiros e do sector pesqueiro galego.
Reclamou que o goberno galego “deseñe unha estratexia de alianzas para que os terceiros países xoguen coas mesmas regras que xogo que temos aquí”. Advertiu que as importacións destes países resultan un 30 por cento mais baratas porque producen en condicións de explotación laboral, sen garantías hixiénico – sanitarias e agora se lles retiran os aranceis, prexudicando á industria galega.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
