Santiago, 3 de outubro de 2013.- O portavoz do Mar do Grupo Parlamentario Popular, José Manuel Balseiro, aplaudiu este xoves a rectificación do PSOE nas posicións que viña mantendo esta formación política en varios asuntos de importancia para a flota pesqueira galega, máis en concreto, en relación coas consecuencias negativas da aplicación dunha política de descartes certo e tamén respecto da repartición dos TACs e cotas aplicando o principio coñecido como estabilidade relativa.
Balseiro “deu a benvida” aos socialistas ás teses que sempre defendeu o Grupo Popular contrarias a ambas cuestións, pero lamentou que, unha vez máis, “cheguen tan tarde”, xa que logo de terse producido con anterioridade servirían para aprobar por unanimidade diversas iniciativas parlamentarias que o Partido Popular promoveu no Parlamento de Galicia.
O deputado popular lembra que, na pasada lexislatura, sendo Marisol Soneira portavoz de Pesca do PSOE, non quixo apoiar sendas iniciativas do Grupo Popular contrarias ao mantemento do principio de estabilidade relativa como fórmula para o reparto das cotas de pesca, así como tampouco votou favorablemente ao ditame sobre a reforma da Política Pesqueira Común, que incluía unha petición expresa para reformular este criterio de repartición de TAC e cotas. Documento que despois si acadou o apoio unánime do Consello Galego de Pesca.
Esta non é a única ocasión na que o PSOE “non estivo á altura do que se esperaba” e, de feito, tampouco apoiou xa nesta lexislatura a proposta do Grupo Popular para que Europa “non impoñese a política de descartes cero, senón un calendario máis flexible e menos prexudicial, que permitira a adaptación da flota”
O deputado popular insiste en que no PSOE “tan só acertan canto rectifican” e sinala que polo ben dun sector tan estratéxico como a pesca e o marisqueo é para Galicia “deben abandonar este comportamento tan irresponsable cando se trata de defender os intereses da nosa flota”. Os populares censuran que nos últimos tempos puidemos ver como o PSOE é capaz “de defender unha cousa e a súa contraria, sen ningún problema”.
MAURITANIA
Por outra banda, o Partido Popular tamén lembrou ao PSOE que cando foi obxecto de debate no Parlamento de Galicia unha iniciativa para rexeitar o acordo pesqueiro entre a UE e Mauritania, mentres este non incluíra posibilidades de pesca para a flota cefalopodeira, os socialistas tampouco o apoiaron, mentres que hoxe (como puido verse na Comisión de Asuntos Europeos da Cámara galega) parecen sumarse a aqueles que defenden un rexeitamento unánime deste acordo pesqueiro.
Balseiro vai moito máis lonxe e sinala que foi o PSOE quen negociou os puntos máis conflitivos deste acordo e, moi en concreto, a exclusión da flota cefalopodeira. “De feito, 5 das 7 rondas negociadoras leváronse a cabo co PSOE no Goberno central”. O portavoz do Mar do Grupo Popular explicou que coa chegada do PP ao Executivo central conseguiu que esta flota aparecera no acordo (iso si con cota cero) e seguirá dando a batalla, onde corresponda, para que non se aprobe un acordo pesqueiro que manteña a exclusión das embarcacións cefalopodeiras.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
