O Servizo de Normalización Lingüística da Mancomunidade remata esta semana as actividades formativas que programou nos concellos da Mariña Lucense nestes catro meses que estivo activo.
Onte púxolles fin, nos concellos de Ourol e do Vicedo, aos Obradoiros de lectura e escritura en galego, dirixidos ás persoas maiores, coa finalidade de crear un espazo onde os participantes compartiron o pracer da lectura e se aventuraron na escrita, e no que a lingua non foi un impedimento.
No día de hoxe, levouse a cabo no Concello de Alfoz a segunda sesión das Xornadas de actualización da Linguaxe administrativa galega, para os empregados dos concellos mancomunados, nas cales se resolveron dúbidas lingüísticas e se ampliaron coñecementos de linguaxe administrativa, seguindo os manuais e programacións que se imparten nos cursos de linguaxe administrativa galega que organiza a Secretaría Xeral de Política Lingüística da Xunta de Galicia.
Ademais destes dous cursos, o Servizo organizou outros como o de Preparación para o Celga no Concello de Foz, dun total de 60 horas, e que igualou aos ofertados pola Secretaría Xeral de Política Lingüística; e o Curso de iniciación á lingua galega para inmigrantes, que lle permitiu a este colectivo dos concellos de Ribadeo e de Burela un primeiro contacto coa lingua galega, oral e escrita, e mesmo acceder á información necesaria para a súa formación.
O programa de formación ofrecéuselles a todos os concellos que integran a Mancomunidade, realizando aqueles que foron máis demandados.
A técnico do Servizo sinala que os resultados foron moi bos, os cursos tiveron moi boa acollida e puidéronse acadar os obxectivos que se pretendían, informar e formar a cidadanía mariñá e promocionar o uso da lingua galega. O Servizo deixará de estar en activo nos vindeiros días e a técnico comenta que é una mágoa pois aínda queda moito traballo por facer.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
