A quinta xornada de Primeira División chega a Vista Alegre co firme obxectivo de sumar os tres primeiros puntos na casa para o Burela FS Pescados Rubén. A escadra laranxa recibirá o H. Llevant Manacor mañá ás 18.30 horas. “Temos a necesidade de gañar” asegura o adestrador, Juanlu. “Disputamos dous partidos moi difíciles na casa pero a realidade é que aínda non sumamos e con esa ilusión, a de gañar, pensamos no partido de mañá” explicaba o madrileño incidindo na “tranquilidade e confianza” que podería xerarse no equipo para os próximos compromisos.
O conxunto de Tomás de Dios saltará á pista con 2 puntos, tras os empates como locais ante Santiago Futsal (1-1) e Peñíscola (3-3); lonxe da casa as cousas non lle foron tan ben, caeu con Inter Movistar (11-2) e Santa Coloma (4-3). “É un equipo que defende moi ben e non baixa nunca os brazos; intenta xogar con marcadores apertados e non comete apenas erros porque asume poucos riscos” analizaba Juanlu, puntualizando que “debemos saír concentrados para golpear primeiro porque se se poñen por diante terémolo moi difícil”.
O técnico laranxa poderá dispoñer de todo o cadro excepto Hugo, que cumprirá o primeiro dos tres partidos que recibiu como sanción tras o encontro en Lugo; o novísimo Carlitos tamén entrará na convocatoria.
O 12 manacorí, que chegará este mediodía á Mariña, está configurado por Carlos Barrón, Miguel Medina, A. Vadillo, Chicho, Bruno, Joao, Joselito, Lemine, Manu Orellana, Toni Terrón, Pope e Vega.
Insulares e galegos xa se viron as caras na recta final de pretempada, con triunfo para os de Juanlu 1-0, en semifinais do Desafío Star Center de Santiago de Compostela.
Semana diferente
Os burelistas vivirán unha semana diferente, co desprazamento a Zaragoza para disputar a sexta xornada, o mércores 16 (21.00 horas). Tan só tres días despois, Vista Alegre gozará do segundo Día do Club, coa visita do xigante FC Barcelona (sábado 19, 18.30 horas).
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
