A Asociación Gastronómica de A Pontenova, en colaboración con Viajes Lucus, organiza unha viaxe a Santoinho o sábado 9 e domingo 10 de novembro que inclúe a comida do bacalao en Vilanova de Cerveira e unha mariscada en Cambados. O prezo, 100 euros, inclúe a viaxe en autobús, a comida con bacalai, entrada e cea no Santoinho, hotel e almorzo, mariscada en Cambados e seguro da viaxe. A saída está prevista para o sábado pola mañá para Vilanova de Cerveira, comida do bacalao á portuguesa e pola tarde tempo libre para ir ao mercado. Á noite festa rachada no Santoinho onde se cearán castañas, sardiñas, vitela, caldo verde, xarros de viño… e ás doce da noite bebida do champorreau para quentar o coropo aínda máis, e baile con demostracións da malla e bailes rexionais portugueses nos que participaremos. Á unha da mañá saída para Cambados para hospedarse. Pola mañá haberá tempo libre e a mediodía gran mariscada no hotel. As prazas son limitadas. Os interesados pódense informar e facer as súas reservas nos teléfonos 982 043 000 ou 658 240 815 e en viajeslucus.com.
Viaxe a Santoinho
Viaxe a Santoinho
Relacionado
-
O Concello de Vilalba, ABANCA e Afundación, a Obra Social de ABANCA, inauguraron na Sala Ramón Guntín de Vilalba, a mostra «Castelao grafista (facsímile)»
-
O xoves, 2 de maio ás 20:30h, a libraría Bahía de Foz acolle a presentación – recital sobre o poemario ‘Escribir Silencio’ de José A. Alfonso
-
O 10 de maio desprazarase a Alfoz a ITV móbil para realizar inspeccións técnicas periódicas tanto a motos como a ciclomotores