Burela, 20 de novembro de 2013. O alcalde, José Mª González Barcia, asegura que a situación no servizo de pediatría do centro de saúde de Burela está normalizada. Deste xeito se refería á denuncia feita polo BNG sobre a falla de atención pediátrica en dito centro: “teño que dicir que efectivamente se deu un caso puntual, ata certo punto desgraciado, este luns, pero onte mesmo esa situación xa estaba corregida”.
González Barcia explicou que “como alcalde fixen as xestións oportunas e me preocupei por coñecer cal é o estado da situación e polas solucións que se están aplicar. Falei tanto coa dirección do centro de saúde coma coa dirección do Hospital da Costa”. O alcalde burelés relatou que “o que se deu o pasado luns foi unha fatal coincidencia. Un facultativo pediu uns días de vacacións, se ausentou e ese mesmo luns tivo que ausentarte por unha causa familiar moi grave, por desgracia, o outro facultativo que quedaba atendendo a todo o censo pediátrico que hai en Burela. Esa situación tan anómala non se produce habitualmente, de todas formas correxíuse onte e agora mesmo hai un facultativo pediátrico que está a atender a todos os nenos, non hai problemas, os están a atender de 8 a 15 horas, igual non coa mesma celeridade que si houbese dous médicos, pero non hai ningunha falla de asistencia e de atención médica aos nenos”.
Para José Mª González Barcia “o que di o BNG, polo tanto, haberá que poñelo bastante en cuarentena. Tampouco é certo que sexa unha mostra máis da falla de atención médica aos nenos no centro de saúde de Burela, máxime cando desde hai uns anos este centro conta con dous pediatras. É certo que se ten dado unha situación puntual o pasado luns, pero que se correxíu automáticamente e dun xeito bastante rápido onte mesmo. Unha situación persoal moi grave se pode dar en calquera momento e o lóxico é que a persoa se ausente por ese motivo”.
O rexedor insiste en que “non hai falla de asistencia médica, e agora mesmo a situación está normalizada. Desde a propia dirección do centro de saúde me confirmaron que, ata hai un momento, non se teñen recibido queixas de pais e nais dos nenos que son atendidos no centro de saúde de Burela”. E pedíulle ao BNG que “sexa moi cauto coas informacións que da, que actúe con prudencia e que cando faga unha denuncia a plantexe con rigor e seriedade e non para alarmar á poboación”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
